Toshkent moliya instituti Budjet hisobi va g’aznachilik fakultetining “Investitsion loyihalarni moliyalashtirish” ta’lim yo’nalishi bbi-50 guruh

Toshkent moliya instituti Budjet hisobi va g’aznachilik fakultetining “Investitsion loyihalarni moliyalashtirish” ta’lim yo’nalishi BBI-50 guruh, 3-kurs talabasi Saminjonov Samandarning “Baholash ishi” fanidan “Ko’chmas mulk turi bo’lgan yerni baholash usullari” mavzusidagi kurs ishiga


TAQRIZ

Barcha iqtisodiy subyektlar ko‘chmas mulk turi bo‘lgan yerni qiymatiga to‘g‘ri va sifatli baho berilishiga ehtiyoj sezib, ular uchun sotish va sotib olish, ijara, garov, sug‘urta, merosxo‘rlik huquqining bajarilishi, sud hukmining ijro etilishi va boshqa bir qancha faoliyatlarni amalga oshirilishi uchun o‘z vaqtida obyektni sifatli va ishonchli baholash katta ahamiyat kasb etadi. Bu esa mazkur kurs ishi mavzusining dolzarbligini belgilaydi.

Kurs ishi kirish, to’rtta bo’lim, xulosa va foydalanilgan adabiyotlar ro’yxatidan iborat. Kurs ishining kirish qismida mavzuning dolzarbligi, ishning maqsadi, vazifalari, predmet va obyekti, va tarkibi keltirilgan.
Kurs ishining birinchi bo’limi “Yer - tabiiy resurslarining muhim turi va aholi yashash joylarining makoni sifatida” deb nomlanib, bunda, yerning baholash obyekti sifatidagi o’ziga xos xususiyatlari o’rganilgan.
Kurs ishining ikkinchi bo’limi “Yer qiymatini baholashning huquqiy mexanizmi” deb nomlanib, unda mavzuga doir huquqiy-me’yoriy asoslar yoritib o’tilgan.
Kurs ishining uchinchi bo’limi “Yerni baholashda baholash yondashuvlari va usullari” deb nomlanib, unda ko’chmas mulk sifatida yerni baholashdagi uch xil yondashuv, ya’ni xarajatli, daromadli va qiyosiy yondashuvlar hamda ularning usullari haqida ma’lumotlar berilgan.
Kurs ishining to’rtinchi bo’limi “Real obyekt misolida yer qiymatini baholash” deb nomlanib, baholash kompaniyasidan olingan baholash hisoboti yordamida aniq obyekt misolida ko’chmas mulk sifatida yerni baholash amalga oshirilib, xarajatli va qiyosiy yondashuvlardan foydalanib, obyektning yakuniy bozor qiymati aniqlangan.
Ish so’nggida mavzu bo’yicha tegishli xulosalar shakllantirilgan.
Lekin kurs ishini yozishda imloviy xatolarga hamda ishni rasmiylashtirishga oid xatolarga yo’l qo’yilgan.
Umuman olganda, S.Saminjonovning “Baholash ishi” fanidan “Ko’chmas mulk turi bo’lgan yerni baholash usullari” mavzusidagi kurs ishi tarkibiy tuzilishi va mazmuni bo’yicha qo’yilgan talablarga javob beradi va uni komissiya oldida himoya qilishga tavsiya etiladi.
“Baholash ishi va investitsiyalar”