Тошкент кимё –технология институти силикат материаллари ва нодир, камёб металлар технологияси кафедраси

3 - МАЪРУЗА. СУВЛИ ЭРИТМАДА ИШЛОВ БЕРИШ.

Рудани механик ва флотацион бойитиш ёки куйдириш жараёнларидан сўнг, унинг таркибидаги металлар ёки бирикмалар миқдори ва холатига қараб кимёвий реагент танланади, ва сувли эритма тайёрлаб, рудага ишлов берилади. Қўйилаётган талаблар, нархлар ва руданинг турига қараб, ишлов берувчи қурилма танланади.

Биринчи реагентли ишлов берувчи қурилма – перколятор атмосфера босимида ишлатилади. Бу қурилмада сувли эритма катта “чан”ларда жойлаштирилган руда бўлаклари орасидан ўтказилганлиги сабабли ишлов бериш жараёни паст сифатда олиб борилган. Лекин асбоб жуда содда, арзон, оз меҳнатли ва қўшимча чиқимларсиз бўлган. Ҳозирда жараённи механик аралаштиргичли, пропеллерли, занжирли ва эшкакли йирик чанларда ўтказиш кенг тарқалган.
Рудаларга реагентли ишлов берилганда оксидланиб эрувчанлиги пасай-майдиган холатларда хаво аралаштиргичли – аэролифт аппарат “пачука” (Мексикада жойнинг номи) қўлланилади. Юборилаётган хавонинг босими 0,2 – 0,3 МПа бўлиб, марказий най орқали кириб, “пульпа” билан аралашиб енгил кўпиксимон аралашма юқорига кўтарилиб, атрофга қуйилади ва хаволи пульпанинг марказдан юқорига ва атрофдан пастга доимий айланма харакати давом этади. Бу аралашувда сувли реагент билан руда кукуни тез ва тўлиқ реакцияга киришади.

Икки босқичли регентли ишлов тизими.
Кислотали эритма
↓
Кислотали ишлов ← яхши тозаланмаган руда ←
↓ янги руда
↓ ↑
Тиндиргич → Нейтрал ишлов → тиндиргич
↓ ↓
Ишловдан кейинги нейтрал
қолдиқ эритма
Ишлов жараёни битта чанда ва эритмада рудадан керакли бирикмаларни тўлиқ чиқариб олгунча давом эттирилса бир босқичли ва ёки кетма кет ўрна-тилган бир нечта қурилмаларда олиб борилса кўп босқичли, эритманинг мухитига қараб кислотали ёки нейтрал бўлади.
Бу усулда керакли компонентлар кислотали ишловда ажратиб олинади. Тиндиргичдан сўнг қолган кислота янги руда билан нейтралланади ва иккинчи тиндиргичга юборилади. Иккинчи тиндиришда тозаланмаган руда чўкмага тушади ва кислотали ишловга юборилади, қолган нейтрал эритма эса электроэкстракцияга хом-ашё хисобланади.
Бир босқичли ишловда битта қурилма, кичик иш майдони ва озгина бош-қарув ҳизматчилари талаб қилинади. Лекин нейтраллаш жараёнига ортиқча руда сарф қилиниб, процесснинг ажратиб олиш даражаси пасайиб кетади.
Автоклавда ишлов бериш усули юқори босим ва ҳароратларда олиб бо-рилиб, куйдириш ва реагентли ишлов жараёнлари бир босқичда амалга оши-рилади. Автоклав усули келажакда камбағал рудаларда кенг қўллаш мумкин бўлган усуллардан ҳисобланади.
Юқори босим (0,5 – 2,0 МПа) ва ҳароратларда (100 – 200⁰С) кимёвий ре-акциялар тезлиги кескин ошади ва нормал шароитда бормайдиган кўпчилик реакцияларни амалга оширилиши мумкин бўлиб қолади.
Масалан:
- ўрин алмашиниш реакциялари: МО + H₂SO₄ → МSO₄ + Н₂О;
- тузларнинг парчаланиб алмашиниш реакциялари;
- оксидланиш-қайтарилиш реакциялари
МS + 0,5 О₂ + H₂SO₄ → МSO₄ + Н₂О + S.
Автоклав усулидан алюминий ишлаб чиқаришда бокситларни қайта ишлаш жараёнида кенг фойдаланилади.