Toshkent farmatsevtika instituti

O‘ldirilgan hayvonlarni yorish va mikrobiologik tekshirish yo‘li.

Hayvonlarni operatsion stolida yotqiziladi, sterillangan toza asboblarda hayvon kerakli mikrob bilan zararlanib, natijalarni prtokolga yozib bori-ladi. Mikroorganizm yuqtirgan sichqonlar 3 kun davomida nazorat qilib turiladi, faqat shundan keyingina natijalar hisob qilinadi. Sichqon mur-dasi bakteriologik va bakterioskopik usullar bilan tekshiriladi.

Buning uchun maxsus stolda fiksatsiya qilinadi. Yorish qavatma – qavat olib boriladi: qorinning o‘rta chizig‘i bo‘ylab kesiladi, undan keyin ko‘krak qafasini steril xirurgik asboblarda ochiladi. Steril asboblarni ishlatishdan oldin spirtga solib, gaz gorelkasida qizdirib ishlatiladi. Sterillangan, Paster pipetkasi bilan qon yig‘iladi va shu zohati GPSh li probirkaga, GPA li Petri kosachasiga ekiladi, ya’ni surtiladi. Bir vaqtni o‘zida predmet oynasida mozaklar tayyorlanadi, bakteriskopiya uchun surtma tayyorlanadi. Surtmalar quritiladi va gaz gorelkasida fiksatsiya qilinadi. Fiksatsiyaning suvdagi eritmasi yordamida bo‘yaladi va mikroskop orqali kuzatiladi. Ekilgan muhitlarni termostatga joylashtiriladi va hisoblar olib boriladi. Jonivorlarning o‘ligini yorib o‘rganish chog‘idagi barcha kuzatishlar batafsil yozib boriladi. Jonivorning turi, tartib nomeri, kasallik qo‘zg‘atuvchi mikroorganizm yuqtirilgan vaqti va joyi, yuqtirilgan material nomi, hayvon o‘lgan vaqt,organizmda ro‘y bergan o‘zgarishlar bari qayd qilinadi. Yorish chog‘ida to‘qima va a’zolarning parchalari yoki suyuqlik ish stoliga tushmasligiga ahamiyat berish kerak. Qo‘llaniladigan asbob-uskunalar har bir manipulyatsiyadan keyin suv yoki spirt bilan yuviladi va kuydiriladi.

Jonivor o‘ligini yorib ko‘rish yakunlangandan so‘ng tajriba o‘tkazilgan joy yaxshilab tozalanadi. Hayvon o‘ligi kuydirib yuboriladi yoki avtoklavda ishlov beriladi . Tajriba jarayonida ishlatilgan asbob-uskunalar qaynatiladi yoki avtoklavda sterillanadi.Taxtacha yoki vannacha ( kyuveta ) spirt bilan yuviladi va kuydiriladi yoki dezinfeksiyalovchi eritma ichida bir sutka saqlanadi. Surtmalar gorelka alangasida yoki suyuq fiksator yordamida fiksatsiya qilinadi va bo‘yalgandan keyin o‘rganiladi.