Тошкент давлат юридик университети тадбиркорлик (бизнес) ҲУҚУҚИ

 
 
X БОБ. Тадбиркорлик субъектларини солиққа тортиш 
Тадбиркорлик фаолиятига солиқлар орқали таъсир этиш 
тушунчаси, мақсади ва воситалари. Тадбиркорлик фаолиятини 
солиқлар воситасида бошқаришнинг асосий тамойиллари ва 
функциялари. Тадбиркорлик субъектлари фаолиятига солиқ 
имтиёзлари асосида таъсир этиш. 
 
Ҳиндистоннинг “МанСин” корпорацияси ижро органи раҳбари 
Манжид Сингх корпорациянинг юридик департаменти бошлиғи 
Ранжит Сингхга Ўзбекистон Республикасида тадбиркорлик 
фаолияти билан шуғулланишда тадбиркорлик субъектларини солиққа 
турлари, Ўзбекистонда тадбиркорлик субъектларини солиққа 
тартишнинг билан боғлиқ қонунчилик ҳужжатлари ва уни амалга 
ошириш тартиби, билан боғлиқ давлат органи ва унинг ушбу 
соҳасидаги ваколатлари, тадбиркорлик субъектларига яратилган 
солиқ имтиёзлари каби мавзуларда маълумот тайёрлаб беришни 
сўради. 
Тадбиркорлик фаолиятига солиқлар орқали таъсир этиш 
тушунчаси, мақсади ва воситалари. 
Жамият ҳаётида тадбиркорлик муносабатлари билан боғлиқ 
фаолият ўз-ўзидан ривожланиб бора олмайди, аввало унинг юксалиб 
бориши учун мақбул шарт-шароитлар ва қонуний асослар ҳамда 
юридик кафолатлар билан таъминланиши муҳим аҳамият касб этади. 
Мамлакатимиз мустақилликка эришгач, бозор иқтисодиёти сари 
дадил қадамлар ташлар экан, аввало иқтисодиётнинг муҳим таянчи 
бўлган тадбиркорлик субъектларини фаолиятини ривожлантириш, 
уларнинг юксалиб бориши учун ҳуқуқий асосларни яратиш муҳим 
вазифалардан этиб белгиланди. Тадбиркорлик фаолиятини давлат 
томонидан қўллаб қувватлаш, нафақат фуқаролик-ҳуқуқий нормалар 
балки, маъмурий-ҳуқуқий нормалар асосида ривожлантиришга, 
қўшимача кафолат ва имтиёзлар беришга алоҳида эътибор қаратилди.