Toshkent davlat sharqshunoslik instituti qosimjon sodiqov turkiy til tarixi

O‘ninchi (bo‘lim). Kunda to‘rt olqish – (95) Azrua tangriga, Kun-oy tangriga, kuchli tangriga, (96) burxonlarga, ixlos bilan, chin ko‘ngil bilan olqish aytish (97) farzi bor edi. Yana qo‘rqmasdan, erinib, yaxshi va tugal (98) alqamagan bo‘lsak, yana alqov aytganda ko‘nglimizni, (99) o‘y-fikrimizni tangriga tutmagan bo‘lsak, duolarimiz (100) tangriga poklik bilan yetmagan bo‘lsa, qay yerda tiyilib-tutilib qolgan (101) bo‘lsa, endi tangrim, yozuqdan qutqarg‘il deya o‘tinurmiz. Yozug‘imizni (102) kechirgaysan!

O‘n birinchi (bo‘lim). Yana yetti xil ehson chin (103) aqoidga tortiq qilish farzi bor edi. Yana besh tangri yorug‘ini (104) yig‘uvchi farishtalar Xro‘shtag, Paduaxtag tangri tangriga (105) boruvchi, qutqarg‘uchi besh tangri yorug‘ini bizlarga keltirganda, (106) biz ularni sharhlab qonunga tortiq qilish farzi (107) bor edi. Yoki qayg‘u-musibatga atab ehson bergani qizg‘anib (108) yetti xil ehson, chin aqoidga butkul bera olmagan bo‘lsak, (109) tangriga boruvchi, (yozuqlardan) qutqarg‘uchi besh tangri yorug‘ini uy-joyga (110) bog‘lagan bo‘lsak, yovuz ishlar qilg‘uchi kishiga, iflos jonivorlarga (111) bergan bo‘lsak, to‘kib-sochgan bo‘lsak, tangri (112) yorug‘ini nojoiz yerga tashlagan bo‘lsak, endi tangrim, yozuqdan (113) qutilaylik deya o‘tinurmiz. Yozug‘imizni kechirgaysan.