Toshkent davlat sharqshunoslik instituti qosimjon sodiqov turkiy til tarixi

Sakkizinchi (bo‘lim). Haqiqiy (70) tangrini, chin qonunlarni anglab yetganimizda ikki asosni, (71) uchala zamonga tegishli qonunni bildik. Yorug‘likning asosini, tangri yerini, (72) zimistonning asosini, do‘zax yerini bildik. Yer va osmon yo‘q (73) ekanidan burun nima bo‘lganligini bildik. Tangri va iblis (74) nimadan keyin urushdilar, yorug‘lik bilan qorong‘ulik qanday qilib aralashdilar, yerni, (75) osmonni kim yaratganini bildik. Yana ilk zulmat, yeru (76) osmon nimadan so‘ng yo‘qolg‘ay, yorug‘lik va qorong‘ulik qanday qilib ajralg‘ay, (77) shundan keyin nima bo‘lishini bildik. Azrua tangriga (78) Kun-oy tangriga, kuchli tangriga, burxonlarga (79) inondik, tayandik, nig‘o‘shak bo‘ldik. To‘rt yorug‘ tamg‘ani (80) ko‘nglimizda tamg‘aladik: birinchisi – sevgi – Azrua tangri (81) tamg‘asi; ikkinchisi – e’tiqod – Kun-oy tangri tamg‘asi; uchinchisi – (82) qo‘rquv – besh tangri tamg‘asi; to‘rtinchisi – dono fikr – (83) burxonlar tamg‘asi. Tangrim, aqlimizni, ko‘nglimizni bu to‘rt (84) xil tangrilardan qaytargan bo‘lsak, o‘rnidan qo‘zg‘atgan (85) bo‘lsak, tangri tamg‘asi buzilgan bo‘lsa, endi tangrim, yozug‘imizni (86) kechirgin deb o‘tinurmiz. Yozug‘imizni kechirgaysan.