Toshkent davlat sharqshunoslik instituti qosimjon sodiqov turkiy til tarixi

Fe’lning buyruq shakli 
 
Buyruq  fe’lning  bosh  shaklida  bo‘ladi    yoki  unga  maxsus 
qo‘shimchalar  qo‘shish  yo‘li  bilan  hosil  qilinadi.  Buyruq 
tinglovchiga  yoki  g‘oyibga  bo‘ladi.  G‘oyib  buyrug‘i  o‘zak-
negiz  oxiriga  -sïn,  -sin  /  -sun,  -sün  qo‘shimchasini  qo‘shib 
yasalgan. Bu qo‘shimcha -zun, -zün shaklida ham qo‘llanilgan: 
Kögmän yer-sub idisiz qalmazun tiyin. – Ko‘gman yurti egasiz 
qolmasin deya (K.20). 
Sak. da: saqlasun, öğränsün. 
She’rda shunday kelgan: 
Endik kiši titilsün, 
El törü yitilsün, 
Toqlï, böri yetilsün, 
Qaδğu yemä sawïlsun. 
((Qilichimiz  bilan  qayg‘uni  ochaylikki),  axmoqlar  yo‘lga 
tushsinlar, el ishi tuzalsin, qo‘zi bilan bo‘ri birga yursin, bizdan 
qayg‘u-g‘am yo‘qolsin) (MK.I.131). 
Tinglovchi  buyruq  birligi  fe’lning  bosh  shaklining  o‘zidir: 
kel-,  ket-,  al-,  tut-,  bašla-,  sözlä-.  Ko‘pligi  fe’lning  bosh 
shakliga  -iŋiz,  -ïŋïz  qo‘shimchasi  qo‘shib  hosil  qilingan: 
keliŋiz,  ketiŋiz,  sözläŋiz,  barïŋïz.  Bir  guruhga  buyruq  qilishda 
oxirgi -z (-iz, -ïz) tushiriladi: keliŋ, ketiŋ, sözläŋ, barïŋ. 

---

 
182
Ba’zan  yodgorliklar  tilida  tinglovchi  ko‘pligini  ifodalash 
uchun  -iŋ,  -ïŋ  hamda  -iŋlär,  -ïŋlar  qo‘shimchalari  aralash 
qo‘llanilgan.  Masalan,  “Irq  bitigi”da:  Anča  biliŋlär:  edgü-ol 
(İB.1) // Anča biliŋ: edgü-ol (İB.2) – Buni biling, ezgudir. Yoki 
AT.283  da:  Kim  taluyqa  barayïn  tisär  kiriŋlär,  oğlum  tiginkä 
eš  boluŋlar.  –  Kim  dengizga  boraman  desa,  (saroyga  – 
qoshimga)  kiringlar,  o‘g‘lim  shahzodaga  esh  bo‘linglar;  Amtï 
siz  qatağlanïŋ,  birlä  barïŋ,  yerči  boluŋ.  –  Endi  siz  bardam 
bo‘ling, birga boring, yo‘l ko‘rsatuvchi bo‘ling. 
O‘zga  buyruq  birligi  kelsin,  ketsin,  ko‘pligi  kelsinlär, 
ketsinlär  tarzida  qo‘llangan.  Masalan:  Tiginig  asan  tükäl 
kelürzünlär. – Teginni eson-omon keltirsinlar (AT.283). 
Muhimi  shundaki,  “Qutadg‘u  bilig”da  o‘zga  buyrug‘ining 
birligi  -su,  -sü  /  -sun,  -sün  hamda  -sunï,  -süni  shakllarida 
yasalgan:  Yağa  tursu  yağmur,  yazïlsu  čečäk.  –  Yomg‘ir 
yog‘aversin,  chechaklar ochilsin (QB.114); Qutadsu atï, bersü 
eki  jihan.  –  Oti  qutli  bo‘lsin,  (xudo  unga)  ikki  jahonni  bersin 
(QB.85); Tuta bersü täŋri bu taxt birlä baxt. – Tangri unga taxt 
bilan  baxtni  beraversin  (QB.89);  Ažun  qalmasunï  siziŋsiz 
quruğ.  –  Dunyo  sizsiz  qurug‘  qolmasin  (sizdan  ajramasin) 
(QB.105). 
“Hibatu-l-haqoyiq”da o‘zga buyrug‘ining birligi -su, -sü / -
sun, -sün shakllari bilan hosil qilingan: atï qalsu – nomi qolsin, 
yad  qïlsu  –  yod  qilsin,  asïğ  alsu  –  foyda  olsin,  tükäl  bilsü  – 
tugal  bilsin.  Yoki:  sewinsün  –  sevinsin,  kelmäsun  –  kelmasin, 
külmäsün – kulmasin. 
Buyruqning bo‘lishlisi ham, bo‘lishsizi ham -ğïn, -qïn, -gin, 
-kin  qo‘shimchasi  bilan  ta’kidlanadi:  yatqïn,  turmağïn,  kelgin, 
ketkin. Bu qo‘shimcha tinglovchi buyrug‘iga qo‘llanadi. O‘zga 
buyrug‘iga qo‘llanmaydi. 
So‘zlovchining  buyruq-istagi  fe’l  negizga  -ayïm,  -äyim;  -
alïm,  -älim;  -alïq,  -äylik  qo‘shimchalarini  qo‘shib  yasaladi. 
Ko‘k turk bitiglarida: terilälim – terilaylik, sü yorïlïm – lashkar 
tortaylik.  

---

 
183
So‘zlovchining  buyruq-istagi  -ayïn,  -äyin  qo‘shimchasi 
bilan  ham  hosil  qilingan.  AH da:  qïlayïn  –  qilay,  ayayïn  – 
aytay, bezäyin – bezay; Sak. da: oynayïn, tökäyïn.  
So‘zlovchi istagiga Husayn Boyqaro baytlaridan bir misol: 
 Közlärim kör et, qazā, bir šakl-i mavzun körmäyin, 
Özni bir Laylāvaši išqïda Majnun körmäyin (Maj.138). 
Buyruq (amr) va tinglovchiga xitob fe’l o‘zagiga -qïl, -ğïl, -
kil,  -gil  qo‘shimchasini  qo‘shish  bilan  ham  hosil  qilingan. 
KTT.48–49  da:  čïqqïl  –  tashqari  chiq,  ačqïl  –  och,  yapqïl  – 
yop,  atqïl  –  ot,  čïqarğïl  –  chiqar,  soyğïl  –  so‘y,  tökkil  –  to‘k, 
ekkil  –  ekin  ek,  töšägil  –  to‘sha,  sewgil  –  sev,  elägil  –  ela, 
körgil  –  ko‘r,  boq,  keygil  –  kiy,  kiyin.  Bularning  bo‘lishsiz 
shakli  esa  -mağïl,  -mägil  qo‘shimchasi  bilan  hosil  qilingan: 
ačmağïl, töšämägil singari.