Toshkent davlat agrar unversiteti termiz filiali

6. Traktorning bo’ylama o’qiga nisbatan ishchi mashinaning joylashuviga qarab: simmetrik, asimetrik agregatlarga bo’linadi.
7. Agregat tarkibidagi ishchi mashinaning soniga qarab: bir mashinali va ko’p mashinali agregatlar bo’ladi.
8. Ishchi mashinaning traktorga (mexanizatorga) nisbatan joylashuviga ko’ra: traktorning oldiga, yoniga, orqasiga yoki oldida va yonida, yonida va orqasida joylashgan agregatlar bo’ladi.
Agregatlarning foydalanishdagi (ekspluatatsion) xossalari ishchi mashinalarning, traktor, o’ziyurar shassi va tirkagichning xossalaridan tashkil topadi.
Agregatning foydalanishdagi xossalari quyidagilardan iborat:
● agrotexnologik;
● energetik;
● manevrik;
● texnik;
● texnik –iqtisodiy;
● ergonomik.
Agrotexnologik xossalari – texnologik jarayonni berilgan (qabul qilingan) agrotexnik talablar asosida bajarilishini belgilaydi. Agregatning shu xossasi bajarilishi lozim bo’lgan texnologik jarayon uchun aniq sharoitda energetik vosita-traktorni, ishchi mashinalarni tanlash va agregatlarni tuzishda asosiy ko’rsatkich hisoblanadi.
Energetik xossalari – ishchi mashinaning tortishga qarshiligi, traktorning ma’lum quvvatni hosil qila olish va uni sarflash qobiliyatidir. Energetik xossasi agregatni tuzishda, uning tarkibidagi mashinalar sonini aniqlashda, MTA ning tezlik rejimini tanlashdagi asosiy ko’rsatkichdir.
Manevrik xossalari – burila olishligi, qiyaliklarda harakatlanishi, o’ta olishligi, harakat muvozanati, transport holatga keltirishga moslanganligidir (18.1-chizma). Bu xossalari agregatning ma’lum sharoit (kichik maydonlarda, qisqa bo’yli paykallarda, qiyalik va sh.k)larda foydalanishda hisobga olinadi.
Texnik xossalari – foydalanishdagi ishonchliligi (xizmat qilish muddati; ta’mirlashga vaTXK qulayligi), mustaxkamligi, saqlana olish qobiliyati, massasi, shakli. Bu xossalar texnik xizmat o’tkazishni tashkil etishda hisobga olinadi.