Toshkent davlat agrar unversiteti termiz filiali

1. Vazifasiga ko’ra: umumiy ishlarni bajaradigan, qator oralariga ishlov beradigan, yuk tashiydigan, yer haydaydigan, tirmalaydigan, ekadigan, ortadigan, o’radigan.
2. Bir yo’la bajariladigan ishlarning soniga ko’ra:

• 
  oddiy agregat – bitta texnologik jarayonni bajaradi;
  
• 
  kompleks agregat – bir nechta texnologik jarayonlarni bajaradi;
  
• 
  kombayn agregatlari (don kombaynlari, paxta terish mashinalari).
  

Kompleks va kombayn agregatlari ekspluatatsion ko’rsatkichlari asosida yetakchi o’rinlarda turadi.
3. Texnologik jarayonlarni bajarish usuliga ko’ra:

• 
  dalada harakatlanib ishlaydiganlar;
  
• 
  bir yerdan qo’zg’almasdan (muqim) ishlaydigan agregatlar;
  
• 
  ko’chma hamda bir yerda turib ishlaydigan agregatlar.
  

4. Ishchi mashinalarning traktorga ulanish usuliga ko’ra: osma, yarimosma, tirkama va o’ziyurar agregatlarga bo’linadi.
Tirkama agregatlar deb, shunday agregatlarga aytiladiki, bunda traktorga qo’shiladigan mashina yurish qismiga ega bo’ladi va tirkama qurilma yordamida traktorga ulanadi.
Osma agregatlarda traktorga, ya’ni energiya manbasiga osilgan ishchi mashina o’zining yurish qismiga ega bo’lmaydi.
O’zining tayanch g’ildiraklariga ega bo’lgan, transport holatda tuproqqa tegib turmaydigan, traktorga osilib, uning tayanch g’ildiraklariga ishchi mashina massasining bir qismini qabul qiladigan agregatlar yarimosma agregatlar deb ataladi.
Energiya manbai va ishchi mashina yaxlit bir konstruktsiyaga o’rnatilsa o’ziyurar agreat hosil bo’ladi.
5. Energiya manbai va uzatish mexanizmlaridan foydalanish usuliga qarab:
● tortib yurib ishlaydigan;
● ish organlarini harakatga keltiradigan;
● tortib ishlaydigan, ayni paytda mashinaning ishchi organlarini harakatga keltiradigan, ya’ni traktorning quvvati ishchi mashinani tortishga va uning ishchi organlarini quvvat uzatish vali yordamida harakatga keltiradigan agregatlarga bo’linadi.