Тошбоев Ш. О. 17 Болалар анестезиологияси

8....Эфир нарокзи босқичлари 
 
Эфир наркози мисолида ингаляцион, шунингдек вена ичи 
анестезияси босқичларини аниқ кузатиш мумкин. Илк бор ушбу босқичлар 
1937 йилда Гведел томонидан батафсил баѐн қилинган, кейинчали 1959 
йилда И.С. Жоров томонидан модификация қилинган. Хозирги пайтга 
келиб эфир умуман қўлланилмай қўйилган бўлса-да,умумий анестезия 
кечишини тахлил қилишда айнан эфир наркози схемасига таянилади.

---

53 
Наркознинг қуйидаги босқичлари мавжуд: I – аналгезия 
(бошланғич), II – қўзғалиш (ўткинчи), III – хирургик (чуқурлиги бўйича 3 
та даражага, яъни III
1
, III
2
, III
3
га бўлинади) ва IV – уйғониш. 
I босқич (бошланғич). 
Ушбу босқичда анестетик ингаляциясига 
жавобан 2-3 дақиқа давомида анальгетик самаранинг секин-аста ортиб 
бориши, тактил сезувчанлик сақланган холда онгнинг аста-секин 
хиралашуви ва мазкур босқич охирида унинг тўлиқ йўқолиши кузатилади. 
Тери ва шиллиқ қаватлар ранги ўзгармайди, нафас ва юрак-қон томир 
тизимида ўзгаришлар юз бермайди, рефлекслар сақланган бўлади. 
Эфирнинг ўзига хос хиди унинг концентрацияси тез кўтарилганда йўтал, 
бўғилиш, ларингоспазм ва қайт қилишга сабаб бўлиши мумкин. 
Наркознинг ушбу босқичида кичик, юзаки жаррохли амали1тларини, 
масалан абсцессни очиш муолажасини бажариш мумкин. Бироқ мазкур 
босқични турғун ушлаб туришў мушкул, чунки организмнинг эфир билан 
тўйиниши ортган сари II босқичга ўта бошлайди, унинг концентрацияси 
пасайтириладиган бўлса бола наркоздан чиқа бошлайди. Хушнинг тўлиқ 
йўқолиши билан наркознинг II босқичи бошланади. 
II босқич (ўткинчи). 
Бу босқич бошланиши билан беморда ноаниқ 
товушлар чиқариш, инграш билан кечувчи кескин харакатли қўзғалиш 
намоѐн бўлади. Беморлар ниқобни олиб ташлашга харакат қиладилар, кўз 
қорачиқлари кенгаяди, саливация ва кўз ѐшининг ажралиши кузатилади. II 
босқида АБ ортади, пульс тезлашади, нафас норитмик, рефлекслар ортган 
бўлади. Мазкур босқичда кўпинчачайнов мушаклари тризми фонида қат 
қилиш кузатилади. Ушбу қўзғалиш даврининг яққоллиги эфир 
наркозининг асосий камчилиги хисобланади.