Тошбоев Ш. О. 17 Болалар анестезиологияси

III босқич (хирургик)
қўзғалиш босқичидан сўнг бошланади ва бу 
босқични юзаки (III
1
), ўртача (III
2
) ѐки чуқур (III
3
) даражада турғун ушлаб 
туриш мумкин. Жаррохлик операцияларининг кўп қисми айнан шу 
босқичда амалга оширилади. 

---

54 
Жаррохлик босқичининг биринчи даражаси 
бир текисда, бир оз 
тезлашган нафас, АБ ва пульснинг меъѐрда бўлилиши билан тавсифланади. 
Кўз олмалари эксцентрик жойлашган, қорачиқ тораяди, унинг ѐруғликка 
реакцияси сақланган, бироқ секинлашган бўлади. Кўз мугуз пардаси ва 
ютиниш рефлексларидан бошқа барча рефлекслар йўқолади. Беморни 
харакатсизлантириш учун етарли равишда релаксацияга эришилади.
Хирургик босқичнинг иккинчи даражаси 
кўз мугуз пардаси, ютиш ва 
хиқилдоқ рефлексларининг йўқолиши билан бошланади. Ушбу босқичда
кўз олмалари марказий жойлашган, харакатсиз ва нам бўлади, қорачиқлар 
торайган, ѐруғликка реакцияси суст бўлади. Пульс тезлашган, АБ бир оз 
пасайган, нафас олиш бир текисда, чуқур эканлиги билан тавсифланади. 
Мушак тонуси ўртача сустлашган бўлиб, бу босқичда мушак 
релаксантлари қўлланилмаган холда баъзи абдоминал операцияларни 
бажариш мумкин.
Хирургик босқичнинг учинчи даражаси. 
Ушбу босқичнинг асосий 
белгиси бўлиб мушакларнинг, шу билан бирга нафас мушакларининг 
кучли релаксацияси хисобланади. Қовурғалараро мушаклар тонуси 
сезиларли равишда сусайган, шунинг учун нафас олиш асосан диафрагма 
мушаклари хисобига юз беради. Нафас харакатлари парадоксал тус олиши 
мумкин, яъни нафас олганда кўкрак қафаси пастки қисмининг ичкарига 
тортилиши кузатилади. Кўз олмалари марказий жойлашган, мугуз қавати 
қуруқ, қорачиқлар “игна учи” даражасигача торайган, ѐруғликка реакцияси 
йўқ, кўз ѐриғи бир оз очилган, анизокория кузатилиши мумкин. Пульс 
тезлашган, АБ тушади, нафас чуқур ва одатдагидан секин бўлади. 
Наркознинг кейинги чуқурлашуви (>III
3
)
унинг дозасини ортиб 
кетишига ва организмнинг хаѐтий муҳим функцияларининг чуқур 
бузилишларига олиб келади. Пульс ипсимон, АБ тушиб боради, цианоз, 
гиперкапния юз беради. Кўз олмалари юмшоқ, қорачиқлар кенгайган, 

---

55 
ѐруғликка реакцияси йўқ ва шакли ўзгариши мумкин. Наркозни ушбу 
даражагача чуқураштириш мумкин эмас.