Topografik anatomiya o‘zbekiston Respublikasi Oliy va o‘rta maxsus ta’lim vazirligi N. H. Shomirzayev

QORINPARDA BO‘SHLIG‘INING YUQORI QAVATI A’ZOLARI
Qizilo‘ngachning qorin bo‘limi
Qizilo‘ngachning qorin bo‘limi (pars abdominalis oesophagei) - diafrag-
maning qizilo‘ngach teshigidan oshqozonning kardiya qismi orasida joylashib,
uning uzunligi 0,5-3 sm ni tashkil etadi.
Qizilo‘ngach X ko‘krak umurtqasi domida diafragmaning qizilo‘ngach teshi-
gi orqali sayyor nerv poyalari bilan birgalikda qorin bo‘shlig‘iga o‘tadi. Uning
o‘ng qirg‘og‘i deyarli sezilarsiz oshqozonning kichik egriligiga davom etsa, chap
qirg‘og‘i esa oshqozonning tubi bilan kardiya o‘yig‘i (Gis burchagi) deb ataluv-
chi chuqurcha hosil qiladi (182-rasm).
Qizilo‘ngachning qorin bo‘limi old va yon tomonlardan qorinparda bilan
qoplangan. Uning o‘ng devoriga jigarning chap bo‘lagi, old va chap tomondan
esa taloqning yuqori qismi taqalib turadi.
Qizilo‘ngachning diafragma teshigi ichidagi (diafragmaning medial oyoqcha-
lari orasida joylashgan) va oshqozon kardiyasiga o‘tishdagi qalinlashgan muskul
sfinkteri hamda Gis burchagi sohasidagi kardiya burmasi yoki Gubarev klapani
birgalikda qizilo‘ngach-kardiya iskanjasini hosil qiladi. Bu yerda, ya’ni
qizilo‘ngachning uchinchi torayish joyida yot jismlar tiqilib qolgan hollarda ular-
ni qorin bo‘shlig‘i orqali kesib ochib kirish yo‘li bilan olib tashlash mumkin.
Qizilo‘ngach qorin bo‘limining oldingi yuzasida, qorinparda (diafragma-
qizilo‘ngach boylami) ostida chap sayyor nerv, orqa yuzasida o‘ng sayyor nerv
poyasi yotadi.
182-rasm. Oshqozonning
bo‘limlari.
1–
incisura
cardiaca
;
2–
fundus
ventriculi
;
3–
corpus
ventriculi
;
4–
vestibulum
pylori
;
5–
antrum
pyloricum
;
6–
pars
inferior
duodeni
;
7–
pars
descendens
duodeni
;
8–
pyloris
;
9–
pars
superior
duodeni
;
10–
incisura
angularis
(uzuq chiziq bilan
oshqozon tanasi bilan
uning pilorik qismlari
orasidagi chegara
tasvirlangan);
11–qizilo‘ngachning
qorindagi bo‘limi.

---