Topografik anatomiya o‘zbekiston Respublikasi Oliy va o‘rta maxsus ta’lim vazirligi N. H. Shomirzayev

Oraliq anal qismining chuqur qavatlari
Orqa chiqaruv yo‘lining tashqi jomidan lateral tomonda quymuch-to‘g‘ri
ichak chuqurchasi, fossa ischiorectalisni to‘ldirib turuvchi qalin yog‘ to‘qimalari
joylashgan. Bu chuqurchaning yon tomonlari ikki qirrali burchak hisobidan tash-
kil topgan: lateral tomonini m.obturatorius internus o‘z fassiyasi bilan, medial
tomonini esa, m.levator ani va fassiyasi tashkil qiladi (213- va 222-rasm).
Fossa ischiorectalis – ni orqadan dumba katta muskulining pastki qirrasi,
tashqaridan – quymuch do‘mbog‘i, ichkaridan – orqa chiqaruv yo‘lining tashqi
jomi chegaralab turadi. Oldindan esa oraliq siydik-tanosil to‘sqinidan oraliqning
yuza ko‘ndalang muskuli yordamida ajralib turadi. Siydik-tanosil to‘sqini va
m.levator ani orasiga uncha chuqur bo‘lmagan cho‘ntak shaklida fossa ischiorec-
talis davom etib boradi.
Quymuch-to‘g‘ri ichak chuqurchasining yog‘ kletchatkasi teri osti yog‘ qava-
tining davomi hisoblanadi. Bu yog‘ kletchatkasida orqa chiqaruv teshigi hamda jomi

---

326
atrofidagi terini ta’minlovchi vasa rectalia inferiora va shu nomdagi nervlar o‘tadi.
Quymuch-to‘g‘ri ichak chuqurchasining lateral devori bo‘ylab vasa puden-
da interna va n.pudendusdan iborat tomir-nerv tutami o‘tadi, bu tutam chuqurga
kichik quymuch teshigi orqali dumba sohasidan kiradi. Nerv hamda tomirlar
m.obturatorius internusni qoplovchi fassiyaga o‘ralgan bo‘lib, bu fassiya tomir-
nerv tutami uchun o‘ziga xos kanal hosil qiladi; u Alkok kanali (canalis Alkocki)
yoki canalis pudendalis (PNA) deb yuritiladi (215-rasm).
ERKAKLARNING TANOSIL SOHASI,
regio pudendalis
Bu sohaga erlik olati, yorg‘oq va uning tarkibi kiradi.