Tizimlar va signallarni qayta ishlash

Signal bazasi ingl: process gain rus: база сигнала
Signal spektri kengligining uning davomiyligiga ko‘paytmasi.
Siljish ingl: offset rus: смещение	1. Parametrlar o‘z nominal qiymatidan chetga chiqishi, masalan, taktli impulslarning etalon vaqt shkalasiga nisbatan tasodifiy siljishi yoki chastotaning parazit siljishi. 2. Signal barcha elementlarining, ularning joylashish tartibi o‘zgarmagan hamda boshlang‘ich chegarasi saqlangan holda bir vaqtda ko‘chishi.
Sinxron ingl: synchronous rus: синхронный	Muntazam vaqt muddatlarida ro‘y beruvchi. Sinxronning teskarisi asinxron. Komyuterlar va qurilmalar orasidagi ko‘pchilik aloqalar asinxron – ular hohlagan paytda va muntazam bo‘lmagan muddatlarda ro‘y berishi mumkin.
Spektr ingl: spectrum rus: спектр	Signal amplitudasi va fazasi o‘zgarishining chastotaga bog‘liqligini tavsiflovchi hamda uning xossalari va xarakteristikalarini qat’iy belglovchi funksiya.
Tayanch chastota generatori ingl: reference oscillator rus: генератор опорной частоты	Ishchi chastotalar to‘rini tuzishda asos sifatida foydalaniladigan tayanch tebranishlarni hosil qiluvchi generator. Amaliyotda, etalon chastotalar generatorining seziyli, rubidiyli va kvarsli turlaridan foydalaniladi.
Tayanch signallar generatori ingl: reference generator rus: генератор опорных сигналов	Tizim ayrim elementlarining ishini sinxronlash uchun foydalaniladigan qurilma. Ishlab chiqariladigan impulslar doimiy takrorlanish chastotasiga, davomiylik va amplitudaga ega bo‘ladi, ularning vaqt bo‘yicha holati esa, yuqori aniqlikdagi vaqt shkalasiga bog‘langan.