Tizimlar va signallarni qayta ishlash

Radioto‘lqin ingl: radio wave rus: радиоволна
Shartli ravishda chastotasi 3000 GHz dan past deb qabul qilingan elektromagnit to‘lqinlar. Ular fazoda sun’iy to‘lqin o‘tkazgichisiz belgilar, signallar, yozma matn, tasvir va tovushni uzatish yoki qabul qilish uchun tarqatiladi.
Radioxalaqit ingl: radio interference rus: радиопомеха	Bir yoki bir necha nurlanishlardan hosil bo‘lgan elektromagnit energiyasining radioaloqa tizimida qabulga ta’siri. U axborot sifati yomonlashishida, xatolar paydo bo‘lishida yoki axborot yo‘qolishida namoyon bo‘ladi.
Raqam-analog o‘zgartirish ingl: digit-to-analog conversion (DAC) rus: цифро-аналоговое преобразование	Diskret signalni analog signalga aylantirish jarayoni. Aksariyat hollarda maxsus integral sxemalar yordamida amalga oshiriladi.
Shovqin ingl: noise rus: шум	1. Liniyada signallarning butligiga xalal beruvchi to‘siq. Shovqin turli manbalardan chiqishi mumkin, shu jumladan, radioto‘lqinlar, yaqinda joylashgan elektr simlari, chiroqlar va sifatsiz ulanishlar. Optik tolali kabellarning metall kabellarga nisbatan afzalligi shundaki, ular shovqin ta’siriga kamroq moyildirlar. 2. Signalni yoki xabarni sof uzatishga to‘sqinlik qiladigan hamma narsa.
Shovqinsimon signal ingl: spread spectrum signal rus: шумоподобный сигнал	Tanlangan chastota polosasida ko‘p garmonik (sinussimon) tashkil etuvchilarni o‘z ichiga olgan signal. Bunday signallardan foydalanish ma’lumotlar uzatishning shovqinga bardoshliligini kuchaytiradi, radiokanallarni elektromagnit shovqin-lardan va turli aralashuvlardan yaxshi muhofazani ta’minlaydi.
Signal ingl: signal rus: сигнал	1. Ma’lumotlarni aks ettirish uchun ishlatiladigan fizikaviy kattalikning o‘zgarishi. 2. Parametrlari xabarni mos ravishda aks ettiruvchi, xohlagan fizikaviy jarayonni bildiruvchi moddiy axborot tashuvchisi. O‘zining fizikaviy tabiatiga ko’ra signal elektr, akustik, optik, elektromagnit va boshqa bo‘lishi mumkin.