TibbiyotdaNarkotik xossaga EGA bo‘lgan moddalardan meditsinada foydalanish

Ingalyatsion narkoz moddalari. Bular nafas yo`li orqali yuboriladigan yengil uchuvchan suyuqliklar va gazsimon narkoz moddalaridan tashkil topgan. Umuman, ushbu ingalyatsion narkoz moddalarining ijobiy tomoni shundan iboratki, ular yuqorida aytilganidek, keltirib chiqaradigan narkoz holatining bosqichlarini boshqarish qulay, chunki narkoz moddalarining qondagi kontsentratsiyasi nafas bilan kirayotgan va chiqarilayotgan miqdoriga bog`liq. Ingalyatsion narkoz moddalaridan ftorotan, azot (I)-oksid, noingalyatsionlardan tiopental-natriy, natriy oksibutirat va ketamin preparatlari O`zbekiston davlat retseptiga kiritilgan va respublikamizda ishlatiladigan asosiy dori vositalaridan hisoblanadi. Ingalyatsion narkoz uchun qo`llaniladigan moddalar fizikaviy hamda kimyoviy xususiyatlariga ko`ra 2 guruhga bo`linadi.

1) Uchuvchan suyuqliklar – efir, ftorotan (terapevtik dozasi tor, toksinligi yuqori bo`lganligi uchun kamroq ), metoksifluran, izofluran (xozirda keng qo`llaniladi), trixloretilen, xloretil.

2) Gazli moddalar – azot (I)-oksid, siklopropan (kengroq qo`llaniladi).