TibbiyotdaNarkotik xossaga EGA bo‘lgan moddalardan meditsinada foydalanish

Natriy oksibutirat. Kimyoviy tuzilishi va farmakologik xossalari bo`yicha 8 - oksimoy kislota (GOMK) va 8 - aminomoy kislotaga (GAMK) yaqindir. GAMK biogen modda bo`lib, markaziy nerv sistemasida neyromediator hisoblanadi va metabolik jarayonlarda qatnashadi. U markaziy tormozlanish jarayonini ta`minlovchi asosiy mediatordir. Natriy oksibutirat gematoentsefalik to`siqdan yengil o`tib, markaziy nerv sistemasiga sedativ, mushaklarni bo`shashtiruvchi, katta dozalarda esa uyqu va narkoz keltirib chiqaradi. Og`riq qoldirish ta`siri uncha bilinmaydi, lekin analgetiklar va narkoz moddalari ta`sirini kuchaytiradi. Preparat nootrop ta`sirga ega bo`lgani uchun antigipoksant hisoblanadi. Organizmni, shu jumladan, miya to`qimasi, yurak, ko`z to`r pardasini kislorod yetishmasligiga chidamliligini oshiradi.

Natriy oksibutirat anesteziologiyada noingalyatsion modda sifatida yengil, uzoq davom etmaydigan amaliyotlarda hamda narkozni boshlanishini ta`minlash maqsadida, bazis narkoz uchun jarrohlikda, akusherlik va ginekologiyada, bolalar va qariyalarda jarrohlik muolajalarini bajarishda ishlatiladi. Preparat venaga, mushaklar orasiga va og`iz orqali yuborilishi mumkin.

Natriy oksibutirat venaga tez yuborilsa harakat qo`zg`alishi, katta dozalarda esa nafasni zaiflashtirishi va to`xtatishi mumkin. Bunda sun`iy nafas oldiriladi.

Preparat gipokaliemiyada, homiladorlik toksikozlarida extiyotlik bilan qo`llanadi. Natriy oksibutirat (Natrii oxybutyras). Poroshok 20% eritmasi 10ml ampulada, 5% sirop flaqonda 400ml dan chiqariladi. Venaga, mushaklar orasiga va og`iz orqali yuboriladi. Tuzilish formulasi:

(3)