Tibbiyot instituti pediatriya kafedrasi «tasdiqlayman»

Bolalik davrlari quyidagi davrlarga bo’linadi:²
A. Ona qornida rivojlanish davri.
a) Embrional rivojlanishfazasi (3oygacha)
b) Platsentar (yo’ldosh) rivojlanish fazasi (3oydan tug’ilgunga qadar)
B. Ona qornidan tashqarida rivojlanish davri
a) Chaqaloqlik d avr i - 4 haftalikgacha (28 kun)
b) Emizuklik yoshi davri-4haftalikdan 12 oygacha
v) Bogchagacha (katta yasli) yoshdagi davri-1-3 yoshgacha
g) Maktabgacha yoshdagi davri- 3-6 yoshgacha
d) Kichik maktab yoshdagidavri-7-11 yoshgacha
e) Katta maktab yoshdagi davri - 12-17 yoshgacha


Bolaning ona kornidagi davri homilalik boshlangan paytidan boshlanib, toki bola tugalguncha davom etadi va o’rtacha 270 kunni tashkil qiladi. Odatda bu davr oxirgi normadagi hayz ko’rishning birinchi kunidan hisoblanib, yangi oy tug’ilishi bilan o’lchanganda 10 oyni, ya’ni 280 kunni (40-haftani) tashkil kiladi. 37-42 hafta (259-292 kun) orasida tug’ilgan bolalarni vaqtida tug’ilgan, 37 haftadan (259 kun) oldin tug’ilgan bolalarni vaqtidan ilgari, chala tug’ilgan, 42 hafta (294 kun) dan keyin tug’ilgan bolalarni vaqtidan o’tib yoki kech tugalgan bolalar deyiladi.
Hozirgi davrda bolaning ona qornidagi rivojlanish davrini ham bir necha davrchalarga bo’lish qabul qilingan.
Terminal yoki murtak davri - bu davr jinsni hujayralarning urug’langan vaqtidan boshlanib, paydo bo’lgan blastotsitlarni bachadon shilliq qavatiga implantatsiya (ko’chib joylashishi) etilishi bilan tugaydi. Bu davr birhafta davom etadi.
Implantatsiya davri - 40 soat yoki 2 kun chamasi davom etadi. Bu ikki davrni tibbiy va biologikahamiyati juda muhim. Chunki bu davrda 50-70% gacha urug’langan hujayra organizmga yot bo’lgan har xil teratogen ta’sirot okibatida umuman usmay (aplaziya) yoki yomon rivojlanib (gipoplaziya) yoki og’ir nuqsonlar bilan rivojlanishga olib kelishi mumkin.
Embrion davri.Bu davr 5-6 xafta davom etadi. Bunda embrion sariq qopcha orqali ovqatlanadi. Bu davrining muhim ahamiyati shundaki, bunda bo’lg’usi bola organizmning barcha organlari paydo bo’lib shakllanadi. Shu sababli ichki yoki tashqi organizmga yot teratogen ta’sirot ostida, embrion jarohatlanishi - (embriopatiya) kuzatilib, bunda bo’lg’usi bola organizmida ko’pol ko’rinishdagi anatomik va displastik nuksonlarni paydo bo’lishiga olib kelishi mumkin. Shuning uchun ham homilalikning 3-7 haftalari rivojlanishning eng nozik davri xisoblanadi.