Tibbiy buyumlar va uskunalarni dezinfeksiya va sterilizatsiya qilish. Usullari. Vositalari. Tartiblari. Sterillangan tibbiy buyumlar va uskunalarning saqlanish qoidalari. Atamalar va ta’riflar

Steril zona:
Steril zona – bu asosan sterilizatsiya qilingan materiallarni saqlash xonalaridir. Steril zona toza zonadan to‘siq tipidagi sterilizatorlar bilan ajratilgan bo‘lishi kerak. Ushbu zonaga sanitariya-tozalov xonasi orqali steril kiyim va maskada kiriladi.
Steril zonada quyidagi uskunalardan foydalaniladi:
- chang o‘tkazmaydigan transport konteynerli aravachalar;
- balandligi bo‘yicha tokchalarga o‘rnatiladigan ajraluvchi stellajlar;
- yuvish inventari uchun aravacha;
- sterillangan xirurgik choyshablarini tashish uchun po‘latdan ishlangan va xromlangan aravachalar;
- sterillangan konteynerlarni joylashtirish uchun aravacha-stellaj;
- yuvuvchi va dezinfeksiyalovchi vositalarni saqlash uchun javon;
- boshqa uskunalar.
2.8. Har bir zonaga o‘tish bakteritsid to‘siqli shlyuzlar orqali amalga oshirilishi kerak. Toza va steril zonalarga dush, qo‘l yuvish uchun rakovina, maxsus kiyim saqlash uchun shkaf bilan jihozlangan sanitariya tozalov xonasi orqali o‘tiladi.
2.9. Steril zonaga o‘tishda tibbiyot xodimlari dush qabul qilishi, qo‘llarga antiseptik vositalar bilan ishlov berishi, steril kiyim, ya’ni xalat, qalpoqcha, baxilalar yoki sterilizatsiya o‘tgan poyabzal, niqob, qo‘lqoplar kiyishi lozim.
2.10. Steril zona uchun kiyimlar to‘plami oldindan tayyorlanadi, maxsus kiyimlar sterilizatsiya indikatori yopishtirilgan germetik sterilizatsiya o‘ramiga joylashtiriladi. Sterillikning saqlanishi muddatlarini hisobga olgan holda, ushbu to‘plam steril zonada saqlanishi sharti bilan, bir nechta to‘plamni (masalan, bir haftalik zaxirani) oldindan tayyorlab qo‘yish mumkin.
2.11. Sterillash markazi xonalarining tarkibi va tavsiya etiladigan maydoni:
Sterilizatsiya markazi xonalarining tarkibi va tavsiya
etiladigan maydon

№	Xonalarning nomlanishi	Xonalar maydonlari, m^2
		Bir kunda sterilizatsiya qilinadigan konteynerlar soni
		2000 gacha	2000-4000	4000 va undan ortiq