Tibbiy buyumlar va uskunalarni dezinfeksiya va sterilizatsiya qilish. Usullari. Vositalari. Tartiblari. Sterillangan tibbiy buyumlar va uskunalarning saqlanish qoidalari. Atamalar va ta’riflar

Sterilizatsiya oldi tozalov ishlari – tibbiy buyumlarni sterilizatsiya qilishdan oldin ulardagi oqsill yog‘ va mexanik ifloslanishlarni bartaraf etish uchun tozalash usuli.
Profilaktik dezinfeksiya (dezinseksiya, deratizatsiya) – turli ob’ektlarning mikroblar bilan kontaminatsiyasini, bo‘g‘imoyoqlilar va kemiruvchilar sonini kamaytirish uchun dezinfeksiyalovchi tadbirlar kompleksi bo‘lib, bu tadbirlar yuqumli va parazitar kasalliklar bo‘lmasa ham ularning yuzaga kelishi va tarqalishini oldini olish maqsadida olib boriladi.
Pitting (nuqtali) korroziya – faqat passiv metallar va qotishmalarda yuz beradigan korroziv yemirilish turi. Pitting korroziya nikelli, sirkoniyli, xrom-nikelli, xromli, aluminiyli qotishmalar va boshqalarda kuzatiladi. Pitting korroziyada yuzadagi faqat alohida uchastkalar yemiriladi, ularda chukur zararlanish – pittinglar hosil bo‘ladi.
Tibbiy asbob-anjomlar va buyumlarni sterilizatsiya qilish – tibbiy asbob-anjomlar va buyumlar ustidagi (ichidagi) barcha turdagi, shu jumladan spora hosil qiluvchi mikroorganizmlarni yo‘q qilish (o‘ldirish).
Sterilizatsiyalovchi vosita – sterilizatsiyalovchi agent yoki ta’sir qiluvchi moddasi bo‘lgan fizikaviy yoki kimyoviy vosita.
Sterilizatsiya markazi - tibbiy asbob-anjomlar yoki tibbiy maqsadlarda ishlatiladigan buyumlarni (jarrohlik asboblari, choyshablar, bog‘lovchi materiallai va boshqalar) markazlashtirilgan tarzda sterilizatsiya qilish amalga oshiruvchi, shuningdek mulkchilik shakli va idoraviy mansubligidan qat’iy nazar, davolash-profilaktika muassasalarining barcha bo‘linmalarini steril materiallar va buyumlar bilan ta’minlaydigan muassasa.
Sterilizatsiya konteyneri (biksi) – tibbiy maqsadlardagi materiallar va asbob-uskunalarni bug‘li sterilizatorlar (avtoklavlar)da sterilizatsiya qilish hamda ularni operatsiya va bog‘lash xonalarida saqlash uchun mo‘ljallangan metall quti.
Tibbiy asbob-anjomlar va buyumlarni sterilizatsiya qilish markazlarini tashkil qilishga bo‘lgan umumiy talablar