Tibbiy buyumlar va uskunalarni dezinfeksiya va sterilizatsiya qilish. Usullari. Vositalari. Tartiblari. Sterillangan tibbiy buyumlar va uskunalarning saqlanish qoidalari. Atamalar va ta’riflar

8.2. Kimyoviy “sovuq” sterilizatsiya
8.2.1. Kimyoviy “sovuq” sterilizatsiya etilen oksidi bilan o‘tkaziladi.
8.2.2. Etilenoksid yordamida sterilizatsiya qilish kuchli bakteritsid ta’sirga ega bo‘lib, nihoyatda toksik, mutagen va kanserogen hususiyatga ega. Zamonaviy etilenoksidli sterilizatorlar tibbiyot xodimlari uchun mutlaqo xavfsiz tarzda foydalanish imkonini beradi.
8.2.3. Etilen oksidi bilan steriliatsiya qilish yoki EO-sterilizatsiya vakuum sharoitida, past haroratlarda, ya’ni 37-55°S da o‘tkaziladi. Ushbu xususiyatlari bilan EO-sterilizatsiya universal hisoblanib, unda har qanday tibbiy buyumlar va materiallar, shu jumladan endoskoplar, laparoskoplar, elektronika, implantatlarni ham sterilizatsiya qilish mumkin.
8.2.4. Sterilizatsiya markazida etilen oksidli yoki formaldegidli sterilizator ikkita, ya’ni toza va steril zonada alohida ventilyatsiya tizimiga ega bo‘lgan xonada o‘rnatiladi. Sterilizator ishlayotgan vaqtda maxsus sensorlar bilan xonadagi gaz miqdori o‘lchab borilishi kerak.
8.2.5. Formaldegidli va etilenoksidli sterilizatsiya qilish uchun bug‘li sterilizator kabi maxsus sterilizatsiya indikatorlariga ega bo‘lgan o‘rash materiallaridan foydalaniladi.
8.3. Plazmali sterilizatsiya
8.3.1. Peroksidli plazmali sterilizatsiya etilen oksidli va formaldegid bug‘lari bilan sterilizatsiyaga alternativa sifatida foydalaniladi.
8.3.2. Peroksidli plazmali sterilizatsiya turida sterilizatsiya agenti sifatida 50-58% perekis vodorod va uning past haroratli plazmadan foydalaniladi.
8.3.3. Plazmali sterilizatsiya quruq atmosferada past haroratda (60^oSgacha) olib boriladi.
8.3.4. Plazmali sterilizatorda tibbiy asbob-anjomlar va buyumlarning deyarli barcha turlari va xillari, jumladan, jarrohlik, travmatologik, stomatologik, oftalmologik, mikroxirurgik asboblarni, tolali yorug‘lik o‘tkazgichlarini, lazerli va nur o‘tkazgichlarni, elektr simlari va kabellarni, elektr va elektron qurilmalarni, asboblar dastaklari, nafas olish konturlarini hamda yuqori harorat va namlikda sterilizatsiya qilish mumkin bo‘lmagan yoki ishlab chiqaruvchi tomonidan tavsiya qilinmagan boshqa tibbiy buyumlarni sterilizatsiya qilish mumkin.
8.3.5. Plazmali sterilizatsiya xonasiga alohida ventilyatsiyaga bo‘lgan talablar talab etilmaydi.
8.3.6. Plazmali sterilizatsiya o‘rnatilgan xona harorati 40ºS dan oshmasligi kerak.