Texnologiya ta’limi praktikumi fanidan o’quv uslubiy majmua

Nazorat uchun savollar;

1. Siz mavjud amaliy tajribangizga asoslanib tayyor buyumlarni sirtlarini pardozlashning qaysi usullaridan foydalanasiz.

2. Pardozlash usullarini sanab bering.


Mustaqil ish uchun topshiriklar:
Yog’och materiallarini xavfsizligni ta’minlash uchun ishlatiladigan pardozlash usullari. Pardozlash ishlarida ishlatiladigan asboblar hakida ma’lumot. Ishlab chiqarish sharoitidagi pardozlash ishlari bilan tanishish.
3. Badiiy bezak ishlarining turlari, materiallari va texnologiyasiga doir umumiy ma’lumotlar olish, mutaqil amaliy bezak ishlarini bajarish va referat tayorlash.
PARDOZLASH VA PARDOZ MATERIALLARI
Duradgorlik ishlarida, mebelsozlik korxonalarida yog’ochdan tayyorlangan buyum va mebellarning sifatini yaxshilash, xizmat muddatini oshirish maqsadida pardozlash ishlari olib’ boriladi.
Pardozlash ishlari bir necha xil bo’lib, ular sirtlarning tekisligi va silliqligini oshirish, ya’ni qurish natijasida hosil bo’lgan yoriqlarni to’ldirish va turli xil surgichlar surtish yo’li bilan tekislikni ta’minlash, buning uchun sirtlarni randalab, qirib, jilvirlab silliqlash; yog’ochning tabiiy gulini o’zgartirish maqsadida bo’yash; yog’ochning tabiiy gulini o’zgartmagan holda yoki boshqacha tusga kiritish maqsadida loklash» va politurlashdan iborat.
Sirtlarning tekisligini ta’minlash.
Yog’och buyumlar, ko’pincha, bir necha detallarni o’zaro biriktirish yo’li bilan tayyorlanadi. Detallarni tayyorlashda birikma hosil qilish uchun q’oldirilgan qo’yimlar hisobiga birikma (buyum)ning sirt hamma vaqt tekis chiqmaydi. Shuningdek, ob-havo ta’sirida. ayrim detallar tob tashlab, birikma tekisligining buzilishiga sabab bo’ladi. Shuning uchun har qanday birikma hosil qilingandan so’ng tayyor buyum sirtini bir necha bor randadash» yo’li bilan tekislanadi.
Buyum tayyorlashda hamma vaqt jips birikma hosil bo’lavermaydi. Shuningdek, birikma hosil qilish vaqtida nojo’ya bol g’alash orqasida sirtlarning ezilishi, ayrim butoqlarning ko’chib ketishi va boshqa sabablarga ko’ra sirtlar o’yilib, tekislikning buzilishi mumkin.
Bunday hollarda sirtlarga har xil shpaklyovkalar surtilib yoriqlar, tirqishlar, o’ydim-chuqurliklar, teshiklar to’ldiriladi va tekislanadi.