Термиз давлат университети раимов ғайрат файзуллаевич

Диссертация тадқиқотининг диссертация бажарилган олий таълим муассасасининг илмий-тадқиқот ишлари билан боғлиқлиги. Диссертация тадқиқоти Термиз давлат университети илмий-тадқиқот ишлари режасининг “Физика ва астрономия фанларини ўқитиш самарадорлигини оширишда виртуал муҳитни шакллантириш” (2018-2020 йй.) амалий-тадқиқот лойиҳаси доирасида бажарилган.
Тадқиқотнинг мақсади мактабда физиканинг “Механика” бўлимига доир ностандарт масалаларнинг мазмуни, уларни танлаш принциплари ва ечиш методикасини такомиллаштиришдан иборат.
Тадқиқотни вазифалари қуйидагилардан иборат:
физиканинг “Механика” бўлимига доир ностандарт масалаларни ечишда ўқувчи мушоҳадавий фаолиятини такомиллаштириш бўйича фалсафий, психологик, педагогик, методик адабиётларни таҳлил қилиш;
физиканинг “Механика” бўлимига доир ностандартни ечишда ўқувчи мантиқий тафаккурини ривожлантиришнинг дидактик таъминотини яратиш;
физиканинг “Механика” бўлимига доир ностандарт масалаларни танлаш принциплари ва ечишнинг методик, дидактик имкониятларини такомиллаштириш;
физиканинг “Механика” бўлимига доир ностандарт масалаларни танлаш принциплари ва ечиш методикаси самарадорлигини оширишга оид таклиф ва тавсиялар ишлаб чиқиш.
Тадқиқотнинг объекти сифатида мактабда физиканинг “Механика” бўлимига доир ностандарт масалаларни танлаш принциплари ва ечиш методикасини такомиллаштириш жараёни белгиланиб, тажриба-синов ишларига Сурхондарё, Фарғона, Хоразм вилоятларидаги 12 та умумтаълим мактабларидан 380 нафар ўқувчи жалб этилган.
Тадқиқотнинг предметини мактабда физиканинг “Механика” бўлимига доир ностандарт масалаларни танлаш принциплари ва ечиш методикасини такомиллаштириш мазмуни, шакл, метод ва воситалари ташкил этади.
Тадқиқот усуллари. Тадқиқот жараёнида муаммога оид илмий, илмий-методик ишлар ва адабиётлар таҳлили, педагогик кузатув, илмий-тадқиқот ва илмий-техник маълумотларни назарий ва қиёсий таҳлил, тажриба-синов, сўровнома, тест, суҳбат, натижаларни математик-статистик таҳлил этиш усулларидан фойдаланиш.