Термиз давлат университети раимов ғайрат файзуллаевич

Тадқиқотнинг республика фан ва технологиялари ривожланишининг устувор йўналишларига мослиги. Мазкур тадқиқот республика фан ва технологиялар ривожланишининг I. “Ахборотлашган жамият ва демократик давлатни ижтимоий, ҳуқуқий, иқтисодий, маданий, маънавий-маърифий ривожлантиришда инновацион ғоялар тизимини шакллантириш ва уларни амалга ошириш йўллари” устувор йўналиши доирасида бажарилган.
Муаммонинг ўрганилганлик даражаси. Мактабда физиканинг “Механика” бўлимига доир ностандарт масалаларни танлаш принциплари ва ечиш методикасини такомиллаштиришдаги (ўқувчиларда мустақил фикрлаш, ностандарт масалаларнинг оптимал ечимларини топиш) кўрсаткичлари тадқиқотчиларни ўзига жалб қилган.
Мамлакатимизда Б.М.Мирзахмедов, Ю.Ғ.Маҳмудов, А.Камолов, М.Қурбонов, К.Насриддинов, Н.Ш.Турдиев, Ш.М.Камолхўжаев, Ю.Пулатов, Г.Е.Карлыбаева, Г.Ишмуродова ва бошқа физик-методист олимлар томонидан физиканинг “Молекуляр физика”, “Электродинамика”, “Электромагнетизм”, “Оптика” бўлимларига доир стандарт масалаларни танлаш принциплари ва ечиш методикасига доир тадқиқот ишлари амалга оширилган бўлса-да,.бироқ мактабда физиканинг “Механика” бўлимига доир ностандарт масалаларни танлаш принциплари ва ечиш методикасига оид тадқиқот ишлари олиб борилмаган. Бу ҳолат мактабда физиканинг “Механика” бўлимига доир ностандарт масалаларни танлаш принциплари ва ечиш методикасини такомиллаштириш заруриятини белгилайди.
МДҲ давлатларида Л.Н.Баканина, Г.А.Бендриков, Г.И.Берлеев, Б.Б.Бухоцев, Р.А.Глаукова, Н.И.Гольдфраб, В.П.Демкович, П.А.Знаменский, В.Г.Зубов, В.П.Шальнов, С.Б.Каменецкий, В.П.Орехов, С.И.Кашина, Ю.И.Сезонов, Я.Мякешиев, А.П.Римкевич, М.Б.Тульчинский, В.К.Фурсов, М.П.Шаскольскаялар физиканинг “Механика”, “Молекуляр физика”, “Оптика” бўлимларига доир стандарт масалаларни танлаш ва уларни ечиш методикасига доир илмий изланишлар олиб борганлар.
Хорижлик олимлардан F. Gomes-Silva, R. Zaera (Испания), Maykl Strobel (Германия), Lin-Jie Chjanga, Yi Chjan (Хитой), L.John (Юнеско), R.K.Thornton (Америка), R.K. Hake (Англия), F.Reif (Америка, R. Bryantлар (Англия) ва бошқалар томонидан мактабда физиканинг “Механика” бўлимига доир стандарт масалаларни танлаш принциплари ва ечиш методикасини такомиллаштиришга доир тадқиқот ишлари олиб борилган, бироқ ностандарт масалаларни танлаш принциплари ва ечиш методикаси ҳақида тадқиқот ишлари олиб борилмаган.