Термиз давлат университети мактабгача таълим методикаси кафедраси

10.3. Миллий ўйинлар бола шахси шаклланиши ижтимоий тажрибаларни эгаллаш воситаси эканлиги.


11–мавзу: Педагогик фаолиятда ўйинни қўллаш
РЕЖА:
11.1.Таълим самарадорлигини оширишда ўйинлардан фойдаланиш. Таълим жараёнида ўйинни қўллаш.
11.2.Машғулотларда ўйинлардан фойдаланиш. Педагогик ва ролли ўйинларни талабаларга ўргатиш аҳамияти.
11.3.Малака, кўникмаларни шакллантирувчи тренинг-ўйинлар


Таянч сўз ва иборалар: таълим самарадорлиги, ўйин-таълим, ўйин-машғулот, педагогик ўйинлар,ролли ўйинлар, тренинг-ўйинлар


11.2.Машғулотларда ўйинлардан фойдаланиш. Педагогик ва ролли ўйинларни талабаларга ўргатиш аҳамияти
Ўйин машғулотларни режалаштираётганда ҳар доим мақсадни ҳамда машғулотдан кутилаётган натижаларни аниқлаб олиш мақсадга мувофиқ. Шундан сўнг мақсадга эришиш учун қайси ўйин, топшириқ ёки машқдан фойдаланса яхшироқ самара бериши аниқлаб олинади.бунинг учун қуйидагиларни инобатга олиш зарур:
- Танлаб олинган маълумотларнинг ўзаро боғлиқлиги ҳамда кетма-кетлиги;
- Соддадан мураккабга қараб интилиш;
- Турли хиллиликка эътибор бериш (нутқий фполиятни турли ҳаракатлар билан, тинч ўйинларни ҳаракатли ўйинлар билан уйғунлаштириб туриш);
- Гуруҳий ёки кичик гуруҳлар учун машғулотларни ташкил қилиш. Тарбиячи қачон катта гуруҳ билан ҳамда қачон кичик (6-8 боладан иборат гуруҳ) гуруҳ билан ишлаш лозимлигини ҳал этмоғи даркор;
- Машғулотларнинг вақт чегараларини аниқлаб олиш (қайси вақтда болалар билан шуғулланасиз ва қанча вақт давомида).
Машғулотлар давомида болалар ўз фикрларини билдириш имкониятига эга бўлганларидагина машғулотларга бўлган қизиқишлари ва ўзаро ишончлари ошиб боради.
Гуруҳий ўйин-машғулотлари режаларига машғулот бошида ҳам машғулот давомида ҳам ўзгартиришлар киритиб бориш мумкин.
Ўйин-машғулотларнинг қатор тамойиллари мавжуд бўлиб, уларнинг асосийлари қуйидагилар:
1.Ўйинларда эркин иштирок этиш.
2.Ўзаро ҳурмат.
3.Ўйин қоидаларини англаб олиш.
4.Рефлексия.