Tеrmiz davlat univеrsitеti kasbiy ta’lim kafedrasi

O‘quvchilarning vazifalari
1. Xavfsizlik texnikasi qoidalariga qat’iy rioya qilishlari shart. Qoidalarning sistematik ravishda buzilishi ro‘y bergan vaqtda ular o‘quv ustaxonalarida ishlash huquqidan mahrum etiladi.
2. Faqat o‘qituvchi tomonidan topshirilgan ishni bajarishi va bu ishni texnologik karta asosida yoki ko‘rsatilgan usullar bilan olib borishi kerak.
3. Maxsus ish kiyimida (xalat va fartukda) ishlashi, kiyimi bejirim bo‘lishi, tugmalari qadalgan, yeng shimarilgan yoki tugmasi qadalgan bo‘lishi, galstuk yoki sharflar osilib qolmasligi, qizlarning sochi ishdan oldin turmaklanib ro‘mol ostiga olinishi lozim.
4. Ishdan so‘ng ish joyini yig‘ishtirib, tozalab, tartibga solishi kerak.
Yog‘ochni qo‘l bilan ishlashda rioya qilinadigan xavfsizlik texnikasi qoidalari
1. Dastgohda ishlash vaqtida material qisqichlar orasiga mahkam o‘rnatilishi kerak.
2. Dastgohning arralanishiga, randalanishiga, o‘yilishiga, uning ustida mixlarni to‘g‘rilashga yo‘l qo‘ymaslik kerak.
3. Asboblarni dastgohning noviga batartib joylashtirib, iskanalarning tig‘larini oldinga qaratib qo‘yish kerak.
4. Ish vaqtida dastgohning ustini payraxalardan tez-tez tozalab turish kerak.
5. Dastgohni.ng ustini qo‘l bilan tozalamaslik kerak. Tozalash supurgi yoki chutka bilan olib borilishi kerak.
6. Bolg‘a, to‘qmoq, egov, iskana kabi asboblar quruq, qattiq yog‘ochdan dastalanishi, yaxshi ponalanishi ehtiyot halqalari kiydirilgan bo‘lishi kerak.
7. Burcharralarning polotnosi quloqlariga puxta o‘rnati­lishi, tortqi ip pishiq, puxta bo‘lishi kerak.
8. Randalash asboblari dastalik, quloqlik yoki kertmaklik bo‘lishi kerak.
9. Yelim alohida shamollatiladigan xonada pishirilishi kerak.
10. Duradgorlik o‘quv ustaxonasida alanga bilan shuning­dek, elektr kavsharlagichlar bilan ishlash qat’iy man eti­ladi.
Ishni bajarish uchun zarur jixozlar,materiallar va asboblar:
Yog’och materiallar(eman, shumtol, arg‘uvon, terak, chinor, zirk) va boshqalar ,ish chizmalar plakatlar duradgorlik dasgohik.