Termiz davlat universiteti botanika kafedrasi

Ishning bajarilishi: Sellofan yoki kollodiydan yasalgan xaltachaga yarim qilib, natriy xlorli tuxum oqsili eritmasidan solinadi. Xaltachani shisha tayoqchaga osib, distillangan suvli stakanga solinadi. Dializ, xona temperaturasi sharoitida olib boriladi. Oradan 40-60 minut o’tkach, stakandagi suvdan 2 ml dan olib, 2 ta probirkaga solinadi.

Birinchi probirkada xlor ionlarini tekshirish uchun reaksiya qilib ko’riladi. Buning uchun suvga bir necha tomchi 10% li nitrat kislotadan qo’shiladi va uning ustiga 2-3 tomchi kumush nitrat eritmasidan solinadi. Natijada kumush xloridning oq cho’kmasi hosil bo’ladi.

Ikkinchi probirkada biuret reaktsiyasi qilib ko’riladi. Agar dializ to’g’ri olib borilgan bo’lsa, biuret reaktsiyasi chiqmasligi kerak.

Har 16-20 minutda suvni almashtirish bilan dializni tezlashtirish mumkin. Dializ xlor ionlarini tekshirish uchun qilinadigan reaksiya chiqmaguncha olib boriladi.