Термиз давлат университети «ахборот технологиялари» кафедраси

Жуда хавфли вирусларга ахборотнинг махфийлиги бузилишига, йўқ қилинишига, такрорланмайдиган турланишга (шифрлаш ҳам шу қаторда) ҳамда ахборотдан фойдаланишга тўсқинлик қилувчи ва натижада аппарат воситаларнинг ишдан чиқишига ҳамда фойдаланувчилар соғлиғига ши­каст етишига сабаб бўлувчи вируслар киради.
Ишлаш алгоритмининг хусусиятлари бўйича вирусларни:

• 
  тарқалишида яшаш маконини ўзгартирмайдиган;
  
• 
  тарқалишида яшаш маконини ўзгартирадиган синфларга ажратиш мумкин.
  

Яшаш маконини ўзгартирмайдиган вируслар, ўз навбатида:

• 
  «йўлдош» вируслар (companion);
  
• 
  «қурт» вируслар (worm)дан иборат 2 гуруҳга ажратилиши мумкин.
  

«Йўлдош» вируслар файлларни ўзгартирмайди. Унинг таъсир механизми бажарилувчи файлларнинг нусхаларини яратишдан иборатдир.
«Қурт» вируслар тармоқ орқали ишчи станцияга тушади, тармоқ­нинг бошқа абонентлари бўйича вирусни жўнатиш адресларини ҳисоблайди ва вирусни узатади. Вирус файлларни ўзгартиннайди ва дискларнинг юклама секторларига ёзилмайди. Баъзи бир «қурт» вируслар дискда вируснинг ишчи нусхасини яратади, бошқалари фақат ҳисоблаш машинасининг асосий хотирасида жойлашади.
Алгоритмларнинг мураккаблиги, мукаммаллик даражаси ва яшириниш хусусиятлари бўйича яшаш маконини ўзгартирадиган вируслар:

• 
  талаба вируслар;
  
• 
  «стелс» вируслар (кўринмайдиган вируслар);
  
• 
  полиморф вирусларга бўлинади.
  

Талаба вируслар малакаси паст яратувчилар томонидан яратилади. Бундай вируслар, одатда, резидент бўлмаган вируслар қаторига киради, уларда кўпинча хатоликлар мавжуд бўлади, осонгина танилади ва йўқотилади.
«Стелс» вируслар малакали мутахассислар томонидан яратилади. «Стелс» вируслар операцион системанинг шикастланган файлларга мурожаатларини ушлаб қолиш йўли билан ўзининг яшаш маконида эканлигини яширади ва операцион системани ахборотнинг шикастланмаган қисмига йўналтиради. Вирус резидент ҳисобланади, операцион система дастурлари остига яширинади, хотирада жойини ўзгартириши мумкин. «Стелс» - вируслар резидент антивирус воситаларига қарши таъсир кўрсата олиш қобилиятига эга.