Tema: Viruslardiń tiykarǵı qásiyetleri, virus saqlawshı material menen islew qaǵıydaları hám qawipsizlik texnikası

Tawıq ha’milesinin' dúzilisi. Tawıqlar derlik otalasha máyek qóyadı, bunda ha’mile blastula yamasa erten’gi gastrula basqıshında boladı. Máyekti tawıq denesidegi sıyaqlı temperatura menen isitilsa, ol halda ha’milenin’ rawajlanıwı dawam etedi. Tawıq ha’milesi 5-12 kún rawajlanǵanınan keyin oǵan virus juqtırıw múmkin (21-súwret). Ha’mila rawajlanıp atırǵan tawıq máyegi sırtqı tárepden mayda tesikleri bar hák máyek po'chog'i menen oralǵan bolıp oǵan qabırshaq astı qabıqlig'i bekkem jabılıp turadı. Qabırshaq astı qabıǵı máyekti topır bóleginde eki betke ajıratıp olar arasında hawa kamerasın payda etedi. Máyek ishinde ha’milenin’ denesi ekssentr jaǵdayında jatip jelke tárepi menen hák qabıqǵa jaqın hám bas bólegi bolsa hawa kamerası tarepkge qarag’an boladı :
Ha’mile átirapındaǵı suyıqlıqqa batqan halda bolıp amnion boslıǵın toltırıp turadı hám kindik arqalı sarı qalta menen birikken boladı. Sarı qaltada ekssentr jaǵdayında ornalasip hámilege salıstırǵanda máyektin' kese-keri ekinshi ta’repte qabırshaq astı qabıqlig'i astında allantois boslig'i bar bolıp amnion hám sarı qaltanı qorshap 10 -11 kúnnen keyin máyektin' ótkir bóleginde qosılıp ketedi.
Allantois qabıqtaǵı ósiw dawamında xorion menen qosılıp ketip, xorion allantois qabıqlig'in payda etedi (X. A. P.).
Máyektin' ótkir bóleginde belok qaldıǵi saqlanıp turadı. Kletka dúzilisine iye bo'lǵan barlıq strukturalarda viruslar kóbeyiwi múmkin, bularǵa hámile XAP hám sarı qalta kiredi.
Viruslardin’ toplanıwında sol strukturalarda bolıp bir qansha viruslar allantois hám amnion suyıqlıqlarında toplanıp tayın virus suspenziyasin payda etedi.
Ha’mileniń ol yamasa bul bóleginde virus juqtırıw onı maksimal rawajlanǵan, yaǵniy bayqaǵısh kletkalar eń kóp bolǵan waqıtta ótkeriledi. Inkubatsiya processinde hámile strukturasınin' úlkenligide ózgerip bul bolsa kópshilik halda ha’milenin’ optimal jası juqtırıw waqtın belgileydi. Sarı qalta azıq elementlernin' deregi bolıp inkubatsiyadan aldın kólemi úlken, 12 kúnnen keyin bolsa ha’milenin’ ósiwi sebepli ol kishireyip baradı. Sarı qaltaǵa inkubatsiyanin' 5-7 kúnlerinde virus juqtıriladi.
Amnion boslig'i ha’milenin’ ósiwi ushın buferli ortalıq bolıp, inkubatsiyanin' 5 kúninde ha’mleni qorshap aladı.
Inkubatsiya dáwirinin' ortalarına kelip suyıqlıqtin' muǵdarı 1 ml átirapında. Amnion boslig'ina juqtırıw ushın ha’mileni 6 -10 kúnlik jaslig’inan paydalanıladı.
Allantois boslig'i zat almasiwi sebepli payda bolǵan ónimlerdi toplap turadı. Bul waqıtta sidik duzları fosforli hám azotli birikpeler jıynaladı. Ha’milenin’ ósiw hám rawajlanıw processinde allantois suyıqlıǵı kislotalı reaksiyaǵa iye boladı.
Ha’milenin’ 9 -12 kúnlik ósiw dáwirinde allantois boslig'i maksimal shamaǵa iye boladı sonın' ushın allantois boslig'ina juqtırıw 9 -11 kúnlik inkubatsiya dáwirinde ótkeriledi.
Xorionallantois qabıqlig'i qan tamırlarǵa bay bolıp máyek qabiqlig'inin' tesiksheleri bar maydanında ishki tarepden jaqın jaylasqan. Bul bolsa ha’mile denesin kislorod penen to'yiniwin támiyinlep ha’milede dem alıw organı wazıypasın atqaradı. 11-13 kún XAP maksimal rawajlanǵan waqtı esaplanadı.
Xorionallantois qabıqlig’ina juqtırıw inkubatsiyanin' 10 -12 kúnleri ámelge asıriladı.