Tema: Talim alg’anliqti analizlew. Jobasi: Tálim alg’anliqti analiz qiliwdiń a’himiyeti

Baqlaw wazıypası oqıwshilardin’ bilim, kónlikpe hám ilmiy tájriybeleri

dárejesin anıqlaw hám bahalawdan ibarat. Bul oqıw materialların úyreniwdiń keyingi basqıshına ótiw múmkinshiliklerin anıqlastiradi hám de oqıtıwshınıń oqıw metodların hám usılların tuwrı tańlaǵanın qadaǵalaydi. Baqlaw wazıypası oqıw materialların úyreniwdiń maqul túsetuǵın jolların tabıw menen baylanıslı.

Oqıtıw waziypasi oqıwshılardıń bilimin tekseriwde anıq kórinedi.

Jańa temani bekkemlew processinde yamasa úy wazıypaların tekseriwde oqıwshılardıń o'tilgen temanı tákirarlawǵa, olar ushın túsiniksiz bolg’an mag’liwmatlardi bilip aliwlarina múmkinshilik tuwıladı. Sebebi topardag’i basqa oqıwshılar juwap berip atirg’an oqıwshınıń pikirlerin dıqqat menen tıńlaydı hám aldın iyelengen bilimlerdi bekkemlenip, qosımsha mg’liwmatlar menen bayitadı.

Ten’leslerinin’ juwaplarına qosımsha etiwge yamasa sheshilmey qalǵan sorawlarǵa juwap beriwge tayarlaniw arqalı úyrenilgen temanı anıqlastiriwg’a háreket etedi.

Qadaǵalawdıń tárbiyalaw waziypasi sonnan ibarat, oqıwshılar tekseriwge tayın bolıw ushın sabaqlardı waqıtında tayarlaydi, bos waqıtlarınan ónimli paydalanıwǵa háreket etedi, ıntızamǵa úyrenedi.

Sonıń menen birge, tekseriw hám bahalaw oqıwshınıń óz bilimleri hám qábiletlerin ózi ǵárezsiz anıqlawına da járdem beredi. Ózindegi kemshiliklerdi kóre alıwǵa jáne onı tamamlaw jolların izlewge ko’makleshedi. Lekin oqıwshınıń bilimin bahalawda oqıtıwshı naxaqliqqa jol qoysa, oqıwshı menen oqıtıwshı ortasında qarama-qarsılıq kelip shıǵadı. Úy wazıypalarınıń bolsa ha’dden zıyat kóp bolıwı da oqıwshılardıń júzeki sabaq tayarlawına alıp keledi.

Eń tiykarǵısı, ózlestiriwdi esapqa alıw, shaxstıń unamlı pazıyletlerin qáliplestiriw, jaqsı oqıwǵa qálew oyatıw, oqıw jumıslarına hújdan menen jantasıw, juwap beriwge tayarlaniwda ǵárezsiz bolıw hám de biliw iskerligin tereńlestiriwge qaratiliwi kerek.

Eger qadag’alawdin’ oqıtıw hám tárbiyalaw wazıypaları tuwrı ámelge asırılsa, shaxstıń oylawın rawajlandırıwǵa, sana-sezimlerin hám etikalıq sapaların tárbiyalawǵa múmkinshilik tuwıladı. Bul bolsa óz-ózinen qadaǵalawdıń rawajlantıriwshi waziypasi esaplanadi.