Tema: Talim alg’anliqti analizlew. Jobasi: Tálim alg’anliqti analiz qiliwdiń a’himiyeti

Qadaǵalaw (tálim processinde) tálim alıwshınıń bilim, kónlikpe hám

ilmiy tájriybe dárejesin anıqlaw, ólshew hám bahalaw procesin ańlatadı.

Anıqlaw hám ólshew bolsa tekseriw dep ataladı.

Tekseriw - qadaǵalawdıń strukturalıq bólegi bolıp, onıń tiykarǵı didaktikaliq

wazıypası oqıtıwshı hám oqıwshılar ortasında tikkeley baylanıstı támiyinlew, pedagog tárepinen oqıw materialın ózlestiriw haqqında obiektiv informaciya alınıwı hám de bilimlerdegi kemshilik hám qa’teliklerdi waqıtında anıqlaw bolıp tabıladı. Tekseriwdiń maqseti tek ǵana oqıwshınıń bilim dárejesi, sapası, bálkim onıń oqıw miyneti kólemin da anıqlawdan ibarat.

Oqıwshılardıń bilim hám ko’nlikpelerin tekseriw tómende kórsetilgen logikalıq izbe-izlilikde alıp barılıwı kerek:

Tekseriw sistemasındaǵı birinshi buwin tálim alıwshılardıń bilim dárejesin aldınan anıqlaw esaplanadı : Ádetde, ol oqıw jılı basinda oqıwshılar tárepinen aldınǵı oqıw jılında ózlestirilgen bilimler dárejesin anıqlaw maqsetinde ótkeriledi. Bul sıyaqlı tekseriw, sonıń menen birge, oqıw jılınıń ortasında jańa bólim (kurs ) ti úyreniwge kirisilgende de ótkeriliwi múmkin hám orınlı boladı.

Bilimlerdi tekseriwdiń ekinshi buwini hár bir temanı ózlestiriw processindegi ámeldegi tekseriw bolıp tabıladı. Ámeldegi tekseriw tálim alıwshılar tárepinen oqıw programmasında belgilengen ayırım ayriqsha elementlerdi ózlestiriw dárejesin analizlew imkaniyatın beredi. Usı tekseriwdiń tiykarǵı waziypası úyretiw bolıp tabıladı. Bunday tekseriwdiń forma hám metodları túrlishe bolıp, olar oqıw materialı mazmunı, quramalılıǵı, oqıwshılardıń jası hám tayınlıǵı, tálim basqıshı hám maqsetleri, arnawlı bir pedagogikalıq sharayatlarǵa baylanıslı boladı.