Тема: Анатомия панинин классификациясы рауажланыу тарийхы хам уйрениу методы

Háreketsheń birlesiwler (buwınlar)

Súyeklerdiń bir-birine onsha jaqınlaspastan, ortada boslıq qaldırıp qosılǵan jeri buwın dep ataladı. Ádette buwınlar ishindegi boslıqta sinovial suyıqlıq boladı.
Háreketsheń birlesiwlerdi haqıyqıy buwın dep esaplaw ushın tómendegi tiykarǵı belgileri bolıwı lazım:

1. 
   Súyeklerdiń buwın payda etiwde qatnasatuǵın ushları (buwın júzeleri) forması jaǵınan bir-birine mas keliwi shárt.
   
2. 
   Súyeklerdiń buwın júzeleri 02-05 mm qalıńlıqtaǵı shemirshek penen qaplanǵan bolıwı lazım.
   
3. 
   Súyeklerdiń buwın payda etiwshi úshları hám olar arasındaǵı boslıqtıń aylana átirapı buwın qaltası menen oralǵan bolıwı kerek.
   
4. 
   Har bir buwın sırtınan (ayırımları bolsa ishinen) tıǵız biriktiriwshi toqıma talalardan dúzilgen baylamlar menen bekkemlengen boladı.
   
5. 
   Buwın qaltasınıń ishinde súyeklerdiń ushları arasında buwın boslıǵı bolıwı kerek.
   

17-súwret. Súyeklerdiń oz-ara birlesiw tipleri.

I - súyeklerdiń birlesiwi: A-háreketsiz birlesiwler; B-yarım háreketli birlesiwler; G- háreketsheń birlesiwler. 1-omırtqanıń denesi; 2-omırtqa-ara disk; 3-súyek; 4-buwın qabı; 5- buwın suyıqlıǵı; 6-gialinli shemirshek; 7-súyektiń buwın shuqırı; 8-súyek qabıǵı; 9-tigis;

2. 
   Buwın túrleri: 1-úsh kósherli buwın (shar tárizli); 2-eki kósherli buwın (er tárizli); 3-bir kósherli buwın (tsilindr tárizli).
   

Buwınlardıń háreketin tórt túrge bóliw múmkin:

1. 
   Kese oq átirapındaǵı háreket búgiw, jazıw yaki frontal oq átirapında eki qaptalǵa háreketleniw;
   
2. 
   Sagital (aldınan arqa tárepke ketken) oq átirapındaǵı háreket jaqınlastırıw (orta sızıqqa jaqın keltiriw hám uzaqlastırıw);
   
3. 
   Sheńber payda etip aylanıw súyektiń bir ushı ornında turǵan halatǵa ekinshi ushınıń (sheńber radiusı tárizde) aylanıwı;
   
4. 
   Óz oǵı átirapında aylanıwı (buralıwı) súyeklerdiń óz boylama oǵı átirapında ishkerige hám sırtqa buralıwı.
   

Ayırım buwınlardı payda etiwde tek eki súyek qatnasadı. Bunday buwınlar ápiwayı buwınlar dep ataladı. Eger buwın payda etiwge ekewden artıq súyek qatnassa quramalı buwın dep ataladı.