Тема: Анатомия панинин классификациясы рауажланыу тарийхы хам уйрениу методы

Fastsiyalar

Hámme bulshıq etler juqa biriktiriwshi toqımalı perde-fastsiyalar menen oralǵan boladı. Olar hár bir bulshıq etti óz aldına, sonday-aq bulshıq et toparların (mısal ushın búgiwshi, jazıwshı hám basqada topardaǵı bulshıq etlerdi) hám deneniń basqa bólimindegi bulshıq etlerdi (iyin, bilek, san, baltır hám t.b) orap turadı. Sonıń ushında bulshıq etler bólek-bólek qısqarıw múmkinshiligine iye. Bular haqıyqıy fastsiyalar dep júritiledi. Haqıyqıy fastsiyalardı jumsaq biriktiriwshi toqıma talshıqtan dúzilgen teri astı fastsiyaları menen shatastırmaw kerek. Teri astı fastsiyaları teri astı klechatkasınıń bir bólimi bolıp, teri astı may
qatlamı astında jaylasadı hám onı dene ishkerisinde jatıwshı toqımalardan ajıratıp turadı.
Haqıyqıy fastsiyalar teri astı fastsiyalarınan ádewir tıǵızraq bolıp, fibroz dep atalatuǵın tıǵız biriktiriwshi toqımadan dúzilgen. Haqıyqıy fastsiyalar bulshıq etlerdi orap alıp, olar ushın ózine tán orınlıq payda etiwshi azlı-kópli muǵdardaǵı plastikalarǵa bólinip ketiwi múmkin.
Haqıyqıy fastsiya deneniń ayırım bólimlerinde, ásirese ayaq hám qolda súyekke jetip, súyek ústi perdesi menen birigip ketiwshi plastika túrindegi ósimte payda etedi. Bunday ósimte bulshıq et toparların bir-birinen ajıratıp turadı hám bulshıq etler ara tosıq dep ataladı.
Fastsiya ayırım bulshıq etler yaki bulshıq etler toparları arasında ósimteler payda etip, bulshıq etlerdiń hár tárepke qarap jılısıwın qıyınlastıradı. Fastsiyalardıń tıǵızlıǵı hám bekkemligi deneniń túrli bólimlerinde hár túrli bolıp, ol ózi qaplap turǵan bulshıq etlerdiń kúshine baylanıslı boladı. Ásirese qol hám ayaq fastsiyaları jaqsı rawajlanǵan boladı. Fastsiyalar bulshıq ettiń baslanatuǵın hám birigetuǵın jeri bolıp xızmet etiwi múmkin.
Kóp jaǵdaylarda bulshıq etler arasınan ótiwshi nerv, qan tamırlar, hám limfatik tamırlar fastsiyalar menen qaplanǵan boladı. Fastsiyalar Ayırım patologiyalıq qublıslarda, mısalı irińli jaralarda, irińniń tarqalıp ketiwine jol qoymaydı.

Gewde bulshıq etleri Arqa bulshıq etleri

Arqa bulshıq etleri, deneniń arqa tárepinde jaylasadı. Olardıń Ayırımları gelle súyeklerinen hám moyın omırtqalardan baslanıp, moyınnıń arqa tárepinde jaylasadı, sol sebepli moyın bulshıq etleri menen birge úyreniledi.
Arqa bulshıq etleri eki toparǵa: ústirtin jaylasqan hám bir neshe qabat payda etip jaylasıwshı shuqır bulshıq etlerge bólinedi. Ústirtin jaylasqan bulshıq etler kóbinese teri astında jaylasadı hám jalpaq keń boladı. Shuqırlıqtaǵı bulshıq etler omırtqa menen qabırǵa múyeshleri arasında jaylasadı.