Тема: Анатомия панинин классификациясы рауажланыу тарийхы хам уйрениу методы

Omırtqalardıń óz-ara birlesiwleri

Omırtqalar óz-ara deneleri yarım sheńberleri hám ósikleri járdeminde birlesedi. 1.Omırtqa deneleriniń bir-birine qaraǵan júzleri fibroz talalı shemirshek diskler
járdeminde birlesedi.

2. 
   Astın-ústin turǵan omırtqalardıń yarım sheńberleri arasında sarı baylamlar tartılǵan.
   
3. 
   Omırtqalardıń qırları ósikleri arasında toltırıp turıwshı baylamlar jaylasqan. 4.Bir omırtqanıń tómengi buwın ósigi menen ekinshi omırtqanıń ústingi buwın
   

ósigi arasında omırtqalar ara buwınlar payda boladı. Bul buwınlardıń ishindegi júzleri gialin shemirshek penen qaplanǵan bolıp bul júzlerdiń qırına buwın qaltası (kapsulası) jabısqan.
5.Omırtqa deneleriniń aldı hám arqası boylap oǵada uzın eki baylam tartılǵan. Olardıń birewi uzın aldı (boylama) baylam dep ataladı. Ol eńse súyeginiń tiykarǵı bólimi hámde birinshi omırtqanıń aldınǵı dumpeshiginen, birinshi segizkóz omırtqasına shekemgi aralıqta omırtqa deneleriniń aldınǵı tárepinde jaylasqan.
Ekinshi uzın baylam omırtqa deneleriniń arqasında (omırtqalar kanalınıń ishinde) jaylasqanı ushın uzın arqa baylam dep ataladı.
Segizkóz hám quyrıq súyekleri arasındaǵı birlesiwler.
Segizkóz hám quyrıq bólimindegi omırtqalar óz-ara súyek toqıma járdeminde qosılıp (pitisip) ketip segizkóz hám quyrıq súyeklerin payda etedi.

Birinshi hám ekinshi omırtqa, sonday-aq eńse súyegi arasındaǵı birlesiwler.

Bul úsh súyek bólimleri arasında eki jup hám bir neshe taq (hámmesi bolıp besew) buwın payda boladı: bir túrdegi dúzilistegi eki buwın eńse súyegi menen birinshi omırtqa arasında, jáne bir túrdegi dúzilistegi eki buwın birinshi hám ekinshi omırtqalar arasında, hám bir buwın birinshi omırtqa menen tis tárizli ósikler arasında jaylasqan.
Usı buwınlarda payda bolatuǵın hár qıylı háreketler jıyındısı shar tárizli buwın háreketin esletedi, yaǵnıy usı buwınlardıń birgelikte islewi sebepli bas, moyın ústinde hár tárepleme erkin háreket etiwi múmkin.