Тема: Анатомия панинин классификациясы рауажланыу тарийхы хам уйрениу методы

Ayaqtıń erkin súyekleriniń birigiwi

Shanaq san buwını shar tárizli kóp oqlı bolıp, onda frontal sagital hám vertikal oqlar átirapında túrli háreketlerdi orınlaw múmkin. Shanaq-san buwını san súyeginiń shar tárizli basshası shanaq súyeginiń otırǵısh kesası menen birigiwinen payda boladı. Bul buwın ishinde domalaq baylam bolıwı menen basqa buwınlardan parq qıladı. Buwın júzleri bir-birine júdá mas túsedi.
Dize buwını. Bul buwın adam gewdesindegi barlıq buwınlar ishindegi eń úlkeni hám quramalı dúzilgen bolıp úsh súyektiń: san súyegi, úlken baltır súyegi hám dize qaqpaǵınıń arasında payda boladı. San súyeginiń tómengi ushındaǵı eki birdey ósiktiń aldında dize qaqpaǵı súyegi ushın buwın júzi jaylasqan. San súyegindegi buwın júzi úlken baltır súyeginiń ústingi ushındaǵı buwın júzine tuwra kelmeydi. Sebebi bul júze onsheli shuqır emes. Bul jetispewshilik talshıqlı shemirshekten dúzilgen arnawlı yarımay túrindegi plastinkalar járdeminde toltırıladı. Sonıń nátiyjesinde buwın júzleri bir-birine maslasadı. Bunday minskler medial hám laterial tárepinde turadı. Minskler arasında birinen ekinshisine tartılǵan kese dize baylamı qosımsha toltırılǵan bolıp, bul baylam minsklerdi de uslap turadı. Bul buwındaǵı súyeklerdiń buwın júzleri keń bolǵanlıǵı ushın, buwın qaltasıda keń boladı. Buwın qaltasınıń ishki qabatı júdá kóp bólmeler payda etedi. Qaltanıń ishki kese baylamınan basqa jáne júdá bekkem kesilisken baylamları bar.
Baltır súyekleri. Joqarıda óz-ara tegis buwın payda etip birigedi. Eki baltır súyeginin denesi arasında bekkem fibroz tkanınan dúzilgen perde boladı.
Baltır asıq buwını payda bolıwında úlken baltır súyeginiń tómengi júzi asıq súyegine birigedi. Bul buwın túte tárizli bolıp, bir oqlı onıń eki tárepinen sırtqı hám ishki tuyıq tosıp turadı. Búgiw háreketinde bul tosıqlar qısılıp ayaq panjesi biraz búgiledi.
Ayaq pánjesiniń buwınları. Taban súyekleri arasında hár qıylı kórinistegi buwınlar bolıp, olar baylamlar járdeminde bekkemlenedi. Bul buwınlar ayaq pánjesiniń túrli háreketlerinde qatnasadı.
Taban súyekleri menen ayaq pánje súyekleri arasında tegis buwın bolıp, ol kem háreketsheń boladı.