Тема: Анатомия панинин классификациясы рауажланыу тарийхы хам уйрениу методы

Máyek perdeleri

(Tuqım qalta-scrotum)
Tuqım qalta ishinde jaylasqan máyek 7 qabat perde menen oralǵan.

1. 
   Tuqımlıq qalta terisi. Organizmniń basqa bólimlerindegi terige salıstırǵanda juqaraq bolıp, ózine tán maylı zat islep shıǵarıwshı bezler menen táminlengen, onın may qatlamı bolmaydı.
   
2. 
   Góshli perde. Bul perde hár bir máyekti bólek-bólek oraǵan bolıp, onda tegis bulshıq et talshıqları kóp boladı.
   
3. 
   Sırtqı tuqım fastsiyası, qarın diywalındaǵı bulshıq etlerdiń sırttan qaplawshı fastsiyasınıń qaltadaǵı dawamı.
   
4. 
   Kuper fastsiyası usı atamadaǵı bulshıq etti qaplap turadı.
   
5. 
   Salbıratıp uslap turıwshı bulshıq et. Perde taqılette jayılǵan bolıp, onıń talshıqları qarın diywalındaǵı kese bulshıq etten baslanadı. Bulshıq et qısqarǵanda máyek joqarıǵa kóteriledi.
   
6. 
   Ishki tuqım fastsiyası. Bul perde, qarın diywalınıń ishki tárepindegi kese fastsiyanıń dawamı.
   
7. 
   Máyektiń qın perdesi-qarın perdeniń bir bólimi bolıp, máyek penen bir waqıtta tuqımlıq qaltaǵa túsedi. Qın eki listten ibarat bolıp, birewi máyek ústin, ekinshisi tuqımlıq qalta diywalın oraydı. Áne usı eki plastinka ortasında boslıq
   

payda boladı, oǵan qın boslıǵı delinedi. Máyek ústin qaplaǵan plastinka onıń beloklı perdesi menen birigip ketedi hám máyek artıǵına da ótedi. Máyektiń sırtqı júzin hám artıq denesin úsh tárepten qaplaǵan perde olardıń arasınada kiredi hám qoltıq payda etedi, oǵan artıq qoltıǵı delinedi.

Tuqım shıǵarıw jolları

Tuqım shıǵarıw jolı (ductus epididymidis) máyek artıǵı quyrıǵınan baslanadı. Ádewir juwan hám diywalları qalıń bul nay, máyek artıǵınan shıǵıwı menen joqarı tárepke kóterilip baslaydı. Áwele burama formasında bolıp sońınan tuwrılanadı. Keyninen shat kanalı arqalı qarın boslıǵına ótedi. Shat kanalınıń ishki sheńberi (tesigi) tusında shanaq boslıǵınıń qaptal diywalı tárepke baǵdarlanadı. Quwıqtıń qaptal diywalınan burılıp, quwıq túbine ótedi hám prostata bezine jaqınlasadı. Naydıń usı 3 sm keletuǵın bólimi ádewir keńeyedi. Bul keńeyme tuqım shıǵarıw jolınıń ampulası delinedi. Bunnan keyin nay tuqım qaltashasınan shıǵıwshı naysha menen qosılıp tuqım atıwshı joldı payda etedi. Bul sońǵı jol joqarıdaǵı eki naydan jińishke hám tar bolıp, prostata bezi arasına kiredi hám sidik shıǵarıw kanalınıń usı bólimindegi tuqım tóbeshesine ashıladı.
Tuqım shıǵarıw jolınıń ulıwma uzınlıǵı 40-55 sm, ortasha diametri 2,5-3 mm. Onıń diywalı úsh qabattan dúzilgen:

1. 
   Ishki sliz qabatı
   
2. 
   Ortanǵı bulshıq et qabatı
   
3. 
   Sırtqı fibroz qabatı