Тема: Анатомия панинин классификациясы рауажланыу тарийхы хам уйрениу методы

Gipotenar bulshıq etler

1. 
   Alaqannıń kelte bulshıq eti.
   
2. 
   Shunataydı uzaqlastırıwshı bulshıq et.
   
3. 
   Shunataydı búgetuǵın kelte bulshıq et.
   
4. 
   Shunataydı qarma-qarsı qılıwshı bulshıq et.
   

Alaqannıń súyekler arasındaǵı hám arqa tárepindegi bulshıq etleri

1. 
   Alaqan táreptegi súyekler ara bulshıq et.
   
2. 
   Alaqannıń arqa tárepindegi súyekler ara bulshıq et.
   
3. 
   Qurt kórinisli bulshıq etler.
   

Ulıwma aytqanda adamnıń evolyuttsiyalıq rawajlanıwı dáwirinde miynet islewdiń aqıbetinde qol bulshıq etleriniń joqarı dárejede qáliplesiwine alıp kelgen.

Ayaq bulshıq etleri

Ayaq bulshıq etleri shanaq beldewi hám ayaqtıń erkin bóliminiń bulshıq etleri bolıp ekige bólinedi. Negizinde ayaq bulshıq etlerin tórt bólimge bóliwgede boladı: 1-shanaq bulshıq etleri, 2. san bulshıq etleri. 3. Baltır bulshıq etleri. 4. áyaq pánjesi bulshıq etleri.

Shanaq bulshıq etleri

Shanaq bulshıq etleri eki toparǵa bólinedi:

1. 
   shanaqtıń aldınǵı tárepindegi bulshıq etler.
   
2. 
   shanaqtıń arqa tárepindegi bulshıq etler.
   

Shanaqtıń aldınǵı tárepindegi bulshıq etler

1. 
   Janbas-bel bulshıq eti. Belden baslanatuǵın bólimi-úlken bel bulshık eti delinse, janbas súyeginen baslanatuǵın bólimi janbas bulshıq eti delinedi.
   

Úlken bel bulshıq eti 12 kókirek hám joqarıdaǵı tórt bel omırtqaları denesiniń qaptal erneginen omırtqalarara shemirshekten, bel omırtqalarınıń kese ósiklerinen, janbas súyeginiń qırınan baslanıp, san súyegindegi kishi toqnaǵıshqa jabısadı. Qısqarǵanda shanaq san buwının búgedi, Sannıń ústińgi tárepin qarınǵa jaqınlastıradı. Eger ayaq qıymıldamay tursa omırtqa baǵanasın aldıǵa iyedi.

2. 
   Beldiń kishi bulshıq eti, XII kókirek I bel omırtqalarınıń denesiniń qaptal júzinen baslanıp, janbas fastsiyasına ótedi. Qısqarǵanda janbas fastsiyasın tartadı.