Тема: Анатомия панинин классификациясы рауажланыу тарийхы хам уйрениу методы

Medial topar bulshıq etler

Sannıń medial topar bulshıq etlerine eki sannıń bir-birine qaraǵan tárepinde jaylasqan bulshıq etler jatadı. Bul bulshıq-etlerdiń derlik barlıǵınıń xızmeti bir sandı ekinshisine jaqınlastırıwdan ibarat.

1. 
   Taraq kórinisli bulshıq et, shat súyeginiń joqarǵı putaǵınan baslanıp san súyeginiń orta bólimine birigedi. Xızmeti sandı bir-birine jaqınlastıradı, búgedi.
   
2. 
   Sanlardı bir-birine jaqınlastıratuǵın uzın bulshıq et, shat súyegi joqarǵı putaǵınıń sırtqı júzinen baslanıp, san súyeginiń medial ernine jabısadı. Funktsiyası sandı bir-birine jaqınlastıradı.
   
3. 
   Sanlardı bir-birine jaqınlastıratuǵın úlken bulshıq et, shat hám otırǵısh súyeklerdiń astıńǵı putaqlarınıń aldınǵı júzinen hám otırǵısh tompaǵınan baslanıp san súyegi orta liniyasınıń medial bólimine birigedi. Xızmeti sanlardı jaqınlastıradı.
   
4. 
   Sanlardı bir-birine jaqınlastıratuǵın kelte bulshıq et, shat súyeginiń astıńǵı putaǵınıń sırtqı júzinen baslanıp, san súyeginiń medial erniniń joqarǵı bólimine birigedi. Xızmeti sanlardı jaqınlastıradı hám búgedi.
   
5. 
   Názik bulshıq et, shat súyeginiń astıńǵı putaǵınan baslanıp úlken baltır súyeginiń gedir-budırlıǵına birigedi. Funktsiyası sanlardı bir-birine jaqınlastıradı.
   

Arqa topar bulshıq etleri

Sannıń arqa tárepinde úsh uzın hám bir kelte bulshıq et bolıp, uzınlarınıń úshewide bir jerden yaǵnıy otırǵısh tompaǵınan baslanıp, tómenge baltır tárepke baǵdar aladı.

27-súwret. San bulshıq etleri.

1. 
   janbastıń úlken bulshıq eti; 2-janbas úlken baltır traktı; 3-sannıń eki baslı bulshıq eti; 4-taban bulshıq eti; 5-baltır bulshıq etiniń laterial basshası; 6-baltır bulshıq etiniń medial basshası; 7-yarım perde bulshıq et; 8-yarım sińir; 9- názik bulshıq et; 10-sanlardı bir- birine jaqınlastırıwshı úlken bulshıq et;
   

1.