Тема: Анатомия панинин классификациясы рауажланыу тарийхы хам уйрениу методы

Astıńǵı egizek bulshıq et, otırǵısh súyeginiń gedirliginen baslanıp, toqnaǵıshlar ara oyıqqa jabısadı. Ishki japqısh bulshıq etten tómende jatadı.

Sannıń tórt múyeshli bulshıq eti, otırǵısh tompaǵınan baslanıp, toqnaǵıshlar ara qırǵa jabısadı. Xızmeti sandı sırtqı tárepke buradı.

Sırtqı jabıp japqısh turatuǵın bulshıq et, shat hám otırǵısh súyeklerdiń qońsılas bólimleriniń sırtqı júzinen baslanıp, shanaq-san kapsulasına jabısadı. Funktsiyası sandı sırtqı tárepke buradı.

San bulshıq etleri

San súyeginiń barlıq tárepin bulshıq etler orap turadı. Bul bulshıq etlerdi úsh toparǵa: aldınǵı, medial hám árqa toparlarǵa ajıratıwǵa boladı.

Aldınǵı bulshıq etler

1. Sannıń tórt baslı bulshıq eti, denedegi bulshıq etlerdiń eń úlkeni bolıp, tórt bası bar, hár bir basın óz aldına bulshıq et dewge boladı.

1. 
   sannıń tuwrı bulshıq eti, san súyeginiń aldı tárepinen hám janbas súyeginiń buwın shuqırshasınan joqarıraǵınan baslanıp, dize qaqpaǵınıń aldı júzine jabısıp úlken baltır súyeginiń gedir-budırına shekem dawam etedi.
   
2. 
   medial táreptegi keń bulshıq et, san súyeginiń medial táreptegi erininen baslanıp, dize qaqpaǵınıń joqarǵı shetine jabısadı.
   

v) sannıń laterial táreptegi keń bulshıq eti, sannıń úlken túyregishiniń laterial júzinen baslanıp, dize qaqpaǵınıń joqarǵı sırtqı ernegine birigedi.
g) sannıń ortadaǵı keń bulshıq eti, san súyeginiń aldı hám laterial júzinen baslanıp, dize qaqpaǵınıń tiykarına jabısadı.
Sannıń tórt baslı bulshıq eti baltırdı (dize buwının) jazadı. Sannıń tuwrı bulshıq eti shanaq-san buwınınan joqarıdan baslanǵanlıqtan hám eki buwınlı bulshıq et bolǵanlıqtan, shanaq-san buwınında sandı búgedi.

1. 
   Tigiwshiler bulshıq eti, janbas súyeginiń aldınǵı joqarǵı qırınan baslanıp, baltır súyeginiń gedirligine jabısadı. Adam organizmindegi eń uzın bulshıq et esaplanadı, xızmeti dize buwınında baltırdı búgedi.