Тема: Анатомия панинин классификациясы рауажланыу тарийхы хам уйрениу методы

Bilektiń laterial bulshıq etleri

1. 
   Iyin-bilek bulshıq eti, iyin súyeginiń aldınǵı laterial júzinen baslanıp, bilek súyeginiń tómengi ushına hám biz tárizli ósigine jabısadı.Qısqarǵanda bilekti shıǵanaq buwınınan búgedi.
   
2. 
   Pánjeni jazıwshı uzın bilek bulshıq eti, bilek súyeginiń laterial shetinen baslanıp II alaqan súyeginiń arqa júzine jabısadı. Qısqarǵanda pánjeni arqa tárepke jazadı, bilekti búgedi.
   
3. 
   Pánjeni jazıwshı kelte bilek bulshıq eti, iyin súyeginiń laterial bóksesinen, shıǵanaq buwınınıń kapsulasınan baslanıp, III alaqan súyeginiń arqa tárepine birigedi. Qısqarǵanda pánjeni jazadı.
   
4. 
   Pánjeni jazıwshı bulshıq et, iyin súyeginiń laterial bóksesinen, bilek fastsiyasınan baslanıp, orta hám qaptal shaqlardı payda etip II-V barmaqlardıń orta
   

falangaları arqa tusına, orta shaqı, hám tırnaq falangalarınıń eki qaptal tusına qaptal shaqları birigedi. Qısqarǵanda II-V barmaqlardı hám alaqandı jazadı.

5. 
   Shunataydı jazatuǵın bulshıq et. Bul bulshıq et pánjeni jazatuǵın bulshıq etlerdiń V barmaqqa baratuǵın bólimi bolıp ajıralıp shıqqan. Funktsiyası atınan belgili.
   
6. 
   Pánjeni jazatuǵın shıǵanaq bulshıq eti, iyin súyeginiń laterial bóksesinen, shıǵanaq súyeginiń arqa erneginen hám bilek fastsiyasınan baslanıp V- alaqan súyeginiń tiykarına jabısadı. Qısqarǵanda pánjeni jazadı hám shıǵanaq súyegi tárepke tartadı.
   
7. 
   Supinatsiyalawshı bulshıq et, iyin súyeginiń laterial bóksesinen, shıǵanaq súyegi joqarǵı ushınıń arqa tusınan baslanıp, bilek súyeginiń joqarǵı úshten bir bóliminiń laterial arqa tárepine jabısadı. Qısqarǵanda bilek súyegin sırtqa buradı, alaqandı joqarıǵa qaratadı, supinatsiya qıladı.
   
8. 
   Bas barmaqtı uzaqlastırıwshı uzın bulshıq et, bas barmaqtı jazıwshı uzın bulshıq et. Bul eki bulshıq et biriniń ústinde biri jaylasqan bolıp bilek súyeginiń arqa túsınan baslanadı hám birinshisi I alaqan súyeginiń tiykarına ekinshisi bas barmaqtıń I falangasınıń tiykarına birigedi.
   

Bul bulshıq etler birgelikte bas barmaqtı qalǵan barmaqlardan uzaqlastıradı, pánjeni bilek tárepke tartadı, bas barmaqtıń birinshi falangasın jazadı.

9.