Тема: Анатомия панинин классификациясы рауажланыу тарийхы хам уйрениу методы

Barmaqlardı búgetuǵın uzın bulshıq et, úlken baltır súyeginiń arqa júzinen baslanıp, II-V barmaqlardıń tırnaq falangalarının taban astı júzine birigedi.

Bul bulshıq et ayaq pánjesin tobıq buwınında búgedi, tırnaq falangaların búgedi, ayaqtıń ushında jurıwdı táminleydi. Sonıń ushında oyınshılarda jaqsı rawajlanǵan. Bul bulshıq ettiń júriwdede áhmiyeti úlken.

6. 
   Úlken baltırdıń arqa bulshıq eti, úlken hám kishi baltır súyekleriniń bir- birine qońsı shetleriniń arqa júzinen baslanıp, qayıq tárizli súyekke II-IV sawsaq aldı súyeklerge hám sına tárizli suyektiń úshewinede birigedi. Xızmeti ayaq pánjesiniń medial shetin kóteredi, supinatsiyalaydı, pánjeni búgedi.
   
7. 
   Bas barmaqtı bugetuǵın uzın bulshıq et. Kishi baltır súyeginiń arqa júzinen baslanıp, bas barmaqtıń ekinshi falangasınıń astıńǵı ultan júzine jabısadı. Xızmeti bas barmaqtı búgedi. Basqa bulshıq etler menen birgelikte ayaq pánjesin búgiwde qatnasadı. Ayaq gúmbezin búgiwde hám bekkemlewde áhmiyeti úlken.
   

Laterial (qaptal) topar bulshıq etleri

Laterial tárepte eki bulshıq et bolıp olar kishi baltır súyegin ústingi tárepinen jawıp turadı.

1. 
   Kishi baltır uzın bulshıq eti, kishi baltır súyeginiń basshasınan hám joqarǵı úshten bir bóliminiń aldınǵı tusınan baslanıp, I sına tárizli súyekke hám I ultan aldı súyekleriniń ultan júzine jabısadı. Xızmeti ayaq pánjesiniń laterial shetin joqarıǵa, medial shetin tómenge tartadı. (pronatsiya qıladı).
   
2. 
   Kishi baltır kelte bulshıq eti, kishi baltır súyeginiń orta bóliminiń aldınǵı tárepinen baslanıp, V ultan súyegine jabısadı. Xızmeti uzın bulshıq et penen birdey.
   

Ayaq pánjesi bulshıq etleri

Ayaq pánjesiniń bulshıq etleride, qol pánjesiniń bulshıq etleri taqlette, ústińgi-jazıwshı hám astıńǵı (ultandaǵı) búgiwshi toparlarǵa bólinedi.
Ayaq pánjesiniń ústińgi tárepindegi (jazıwshı) bulshıq etleri.

1. 
   Barmaqlardı jazatuǵın kelte bulshıq et.
   
2. 
   Bas barmaqtı jazatuǵın kelte bulshıq et.