Тема: Анатомия панинин классификациясы рауажланыу тарийхы хам уйрениу методы

Iyek bulshıq eti, tómenge kesiwshi tislerdiń alveolasınan baslanıp iyektiń terisine jabısadı. Qısqarǵanda iyektiń terisin kóteredi. Tómengi erindi joqarǵı eringe jaqınlastıradı.

Urt bulshıq eti, sına tárizli súyektiń ilmeginen, tómengi jaq súyeginiń fibroz perdesinen baslanıp, awız múyeshiniń qasındaǵı sliz qabatqa joqarıdaǵı hám

tómendegi eringe hám awızdıń aylana bulshıq etine birigedi. Urt bulshıq eti awızdıń múyeshin joqarıǵa tartadı, urt hám erinlerdi tiske hám qızıl iyekke taqaydı awızdaǵı hawanıń shıǵıp ketiwin táminleydi. Sonıń ushında sırnayshılar bulshıq eti degen atqa iye.

12. 
    Awızdıń aylana bulshıq eti, joqarǵı hám tómengi erinlerdiń shetinen baslanıp erinlerdiń orta sızıǵında bir-birine tutasıp ketedi. Awızdı jumıwda qatnasadı.
    
13. 
    Murın bulshıq eti, joqarǵı jaq súyeginiń laterial júzinen hám joqarǵı gúrek tistiń alveolyar ósiginen baslanıp murınnıń qanatlarına jabısadı qısqarǵanda murınnıń qanatların jaqınlastıradı.
    

Shaynaw bulshıq etleri

Adamda shaynaw bulshıq etleriniń sanı tórtew bolıp. Olar gelle súyeginen baslanıp tómengi jaq súyeginiń hár qıylı bólimlerine jabısadı.

1. 
   Shaynaw bulshıq eti, bet súyeginiń tómengi qırǵaǵınan baslanıp, tómengi jaq súyeginiń gedir-budırlıǵına, putaǵına birigedi. Tistengende bul bulshıq etler qolǵa bilinip turadı.
   
2. 
   Sheke bulshıq eti, sheke shuqırlıǵınan baslanıp, tómengi jaq súyeginiń taj tárizli ósigine birigedi. Awqat shaynap atırǵan adamnıń shekesiniń qıymıldap turıwı usı bulshıq ettiń qısqarıp atırǵanın bildiredi.
   
3. 
   Qaptal qanat tárizli bulshıq et, sına tárizli súyektiń úlken qanatınan, qanat tárizli ósikten baslanıp tómengi jaq súyeginiń buwın ósiginiń moyınına, buwın kapsulasına birigedi.
   
4. 
   Ishki qanat tárizli bulshıq et, qanat tárizli ósiktiń qanat tárizli oyıqshasınan baslanıp tómengi jaq súyeginiń ishki tárepine birigedi.
   

Barlıq shaynaw bulshıq etleriniń funktsiyası tistewdi iske asırıwdan ibarat.