Тема: Анатомия панинин классификациясы рауажланыу тарийхы хам уйрениу методы

Bastıń aldı tárepindegi tuwrı bulshıq etler, atlanttıń qaptal júzinen baslanadı hám eńse súyeginiń tiykarǵı bóliminiń tómengi tárepine jabısadı. Qısqarǵanda bastı aldıǵa hám qaptalǵa búgedi.

Bastıń qaptal táreptegi tuwrı bulshıq eti. Atlanttıń kese ósiklerinen baslanıp eńse súyeginiń laterial bólimine jabısadı. Qısqarǵanda bastı qaptalǵa eńkeytedi.

Bas bulshıq etleri

Bas bulshıq etleri: mimika bulshıq etleri hám shaynaw bulshıq etleri bolıp ekige bólinedi.

Mimika bulshıq etleri

Mimika bulshıq etleri ekige: 1) bastıń mimika bulshıq etleri hám 2) juzdiń (bettiń) mimika bulshıq etleri bolıp bólinedi.

Bastıń mimika bulshıq etleri

1. 
   Eńse –mańlay bulshıq eti, keń bulshıq et bolıp bastı ústinen jawın turadı. Góshli bólimi bastıń tóbesinde jaylasqan. Qısqarǵanda bastıń shashlı bólimi jıljıydı, shash tikireyedi qastı kóteredi.
   
2. 
   Qulaq qalqanı átirapında jaylasqan bulshıq etler, rudimentar organ esaplanadı. Jekke-siyrek adamlar qulaǵın qıymıldata alıwı múmkin
   

23-súwret Mimika hám shaynaw bulshıq etleri.

1-sińirli shlem; 2-sheke fastsiyası; 3-sheke bulshıqeti; 4-eńse mańlay bulshıq eti:

1. 
   mańlay qarınshası; b) eńse qarınshası; 5-qastı jıyıratuǵın bulshıq et; 6-kózdiń aylana bulshıq eti; 7-qulaq arqası bulshıq eti; 8-murın bulshıq eti: a) qanat bólimi; b) kese bólimi; 9- bet bulshıq eti: a) bettiń kishi bulshıq eti; b) bettiń úlken bulshıq eti; 10-joqarǵı erindi kóteriwshi bulshıq et; 11-awız múyeshin kóteriwshi bulshıq et; 12-urt bulshıq eti; 13- awızdıń aylana bulshıq eti; 14-shaynaw bulshıq eti; 15-awızdıń múyeshin tómenge tartıwshı bulshıq et; 16-iyek bulshıq eti; 17-tómengi erindi tómenge tartıwshı bulshıq et.
   

Júzdiń (bettiń) mimika bulshıq etleri

Mimika bulshıq etleriniń skelet bulshıq etlerinen ózgesheligi olar teriniń astında júze jaylasqan hám súyekten baslanıp terige yaki teriden baslanıp terige birigedi. Sonlıqtanda qısqarǵanda terini háreketke keltiredi. Mimika bulshıq etleri qısqarǵanda kóz, awız, murın átirapındaǵı tesiklerdi hár qıylı kóriniske ákelip simmetriyasın ózgertedi.

1.