Тема: Анатомия панинин классификациясы рауажланыу тарийхы хам уйрениу методы

Piramida tárizli bulshıq et, simfizden baslanıp aq sızıqqa (liniya) jabısadı. Bul bulshıq et qaltalı haywanlardıń bala alıp júriwshi qaltasınıń awzın bekkemleydi. Rudiment organ bolıp hámme adamda bola bermeydi.

Beldiń tórt múyeshli bulshıq eti, qarın boslıǵınıń arqa diywalın payda

etedi.

Qarın bulshıq etleriniń funktsiyası

Qarın bulshıq etleri qısqarǵanda qarın boslıǵı tarayadı hám qarın boslıǵı ishindegi organlarǵa tásirin tiygizedi, yaǵnıy tuwıw, defekatsiya, qusıw protsesslerinde qatnasadı. Sonıń menen birge gewdeni aldıǵa iyedi.

Moyın bulshıq etleri

Moyında bulshıq etlerden basqa kómekey, gegirdek, qızıl óńesh hám qan tamırlar jaylasqan. Al aldınǵı tárepinde qalqan tárizli bez ornalasqan.
Moyınnıń bulshıq etleri tómendegishe klassifikatsiyalanadı:

1. 
   Moyınnıń júze jaylasqan bulshıq etleri.
   
2. 
   Til astı súyegi tusındaǵı bulshıq etler.
   
   1. 
      Til astı súyeginen joqarıda jaylasqan bulshıq etler.
      
   2. 
      Til astı súyeginen tómende jaylasqan bulshıq etler.
      
3. 
   Shuqır jaylasqan bulshıq etler:
   
   1. 
      Qaptal táreptegi qabırǵalarǵa birikken bulshıq etler.
      
   2. 
      Omırtqa aldı bulshıq etler.
      

Moyınnıń júze jaylasqan bulshıq etleri

1. 
   Moyınnıń teri astı bulshıq eti, kókirek fastsiyasınan II qabırǵanıń tusınan baslanıp, tómengi jaqtıń qırǵaǵına jabısadı. Bul bulshıq et moyınnıń terisin
   

aldı tárepke tartıp, moyın venaları boylap qannıń háreketleniwin jeńillestiredi, awızdıń múyeshin tómen tartıp mimika bulshıq eti xızmetin atqaradı.

2. 
   Tós-omıraw-emizik tárizli bulshıq et. Tós súyeginen aldınǵı tusınan, omıraw súyeginiń tós súyegi tárepinen baslanıp, sheke súyeginiń emizik tárizli ósigine birigedi. Bul bulshıq et bir tárepleme qısqarsa bastı sol tárepke iyedi hám júzdi qarama-qarsı tárepke qaratadı. Eki tárepi barabar qısqarsa bastı aldıǵa yaki arqaǵa búgedi.
   

22.