Тема: Анатомия панинин классификациясы рауажланыу тарийхы хам уйрениу методы

Bastıń tómengi qıysıq bulshıq eti , II moyın omırtqasınıń qırlı ósiginen baslanıp, I moyın omırtqasınıń kese ósigine jabısadı.

Deneniń aldınǵı tárepindegi bulshıq etler Kókirek bulshıq etleri

1. Kókirektiń úlken bulshıq etleri. Omıraw súyeginiń tós súyegine birikken bóliminen, tós súyeginiń dástesiniń hám denesiniń aldınǵı júzinen 5-6 qabırǵalardan, tuwrı bulshıq et qınınan baslanadı hám iyin súyeginiń úlken bórtigine birigedi. Qısqarǵanda iyindi aldınǵa hám ishkerige tartadı.

21-súwret. Kókirek hám qarınnıń ústirtin jaylasqan bulshıq etleri hám fastsiyaları.

1-eki qarınshalı bulshıq et (aldınǵı qarınshası); 2-jaq - til astı bulshıq eti; 3-tós – omıraw- emizik tárizli bulshıq et; 4-gúrek – til astı bulshıq eti; 5-moyınnıń teri astı bulshıq eti; 6-tós – til astı bulshıq eti; 7-trapetsiya tárizli bulshıq et; 8-delta tárizli bulshıq et; 9-kókirektiń úlken bulshıq eti; 10-kókirek fastsiyası; 11-iyinniń eki baslı bulshıq eti; 12-jawırınnıń keń bulshıq eti; 13-iyin aldı fastsiyası; 14-aldınǵı táreptegi tisli bulshıq et; 15-qarınnıń sırtqa qıysıq bulshıq etiniń aponevrozı; 16-qarınnıń sırtqı qıysıq bulshıq eti.

Kókirek kletkasınıń AUTOXTON bulshıq etleri

1. 
   Qabırǵalar arasındaǵı sırtqı bulshıq et, joqarıdaǵı qabırǵalardıń sırtqı tómengi shetinen baslanıp, tómendegi qabırǵalardıń joqarǵı shetine jabısadı.
   
2. 
   Qabırǵalar arasındaǵı ishki bulshıq et, tómengi qabırǵalardıń ústingi shetinen baslanıp, joqarıdaǵı qabırǵalardıń astına ishkeri shetine birigedi.
   
3. 
   Qabırǵa astı bulshıq etleri. Tómengi qabırǵalardıń ústi tárepindegi shetinen baslanıp joqarıdaǵı qabırǵalardıń tómengi shetine 1-2 qabırǵa ǵa birigedi.
   
4. 
   Kókirektiń kese bulshıq eti, III-VI qabırǵalardıń shemirshek bóliminiń arqa tárepinde jaylasqan bolıp qarınıń kese bulshıq etiniń dawamı esaplanadı. Bul bulshıq et kópshilik adamlarda bolmaydı.