Тема: Анатомия панинин классификациясы рауажланыу тарийхы хам уйрениу методы

Bulshıq etlerdiń túrleri

Bulshıq etlerdiń túri hár qıylı bolıwı menen bir-birinen parq qıladı, bul bolsa málim dárejede bulshıq ettiń jaylasıwına hám atqaratuǵın xızmetine baylanıslı.
Bulshıq ettiń tiykarǵı úsh forması, yaǵnıy uzın, qısqa, keń túrleri ajıratıladı.
Uzın urshıq tárizli bulshıq etlerde oraylıq bólimi bulshıq et qarınshası bolıp, ol bulshıq ettiń ushına jaqın jerlerde tarayadı hám onıń sińir bólimi menen tutasadı. Proksimal táreptegi sińir-basshası, distal táreptegi sińir-quyrıǵı dep ataladı. Bulshıq ettiń bunday túrleri ádette qol hám ayaq súyeklerinde boladı.
Qısqa bulshıq etler omırtqalar arasında jaylasadı, olar omırtqa baǵanası átirapındaǵı shuqır qabatlarda kóp boladı. Olardıń enide, uzınlıǵıda júdá úlken emes.
Keń jalpaq bulshıq etler kóbirek gewdede boladı. Qarın bulshıq eti, kókirek hám arqanıń júze jaylasqan bulshıq etleri buǵan mısal boladı. Olardıń sińir bólimi keń hám jalpaq bolıp, juqa plastinkanı esletedi, jalpaq hám keń sińirlerdiń áne usınday plastikaları aponevrozlar dep ataladı.
Ayırım bulshıq etler súyektiń hár qıylı bólimlerinen yaki skelettiń hár qıylı súyeklerinen óz aldına bassha túrinde baslanadı. Bul basshalar keyin ala bir qarınsha payda etedi. Usıǵan baylanıslı eki baslı, úsh baslı, tórt baslı bulshıq etler dep ataladı.

Ayırım bulshıq etlerdiń eki qarınshası bolıp, olar óz-ara sińir járdeminde birigedi. Bunday bulshıq etler eki qarınlı dep ataladı.

Ayırım bulshıq etlerdiń sińir bólimi olardın ushlarında emes, al bulshıq ettiń derlik pútin uzınlıǵı boylap ornalasqan boladı hám bulshıq et talshıqları sińirge tek bir tárepten múyesh payda etip tutasadı. Bunday bulshıq etler bir pátli dep ataladı. Eger talshıqları sińirge hár eki tárepten tutassa, bunday bulshıq etler eki pátli dep ataladı.
Ayırım jaǵdaylarda bulshıq et qarınshasında sińirdiń jińishke ulaǵıshları ushraydı, olar bulshıq ettiń ulıwma formasın ózgertpeydi (mısal ushın qarınnıń tuwrı bulshıq eti).

19 - súwret. Bulshıq etlerdiń túrleri.

1. 
   urshıq tárizli; 2-bir párlili; 3-eki párli; 4-eki baslı; 5-kóp párlili; 6-aylanbalı; 7-eki qarınshalı; 8-úshmúyeshli; 9-tisli; 10-sińir belbewli bulshıq et; 11-tórtmúyeshli; 12- aponevrozlı keń bulshıq et.