Тема: Анатомия панинин классификациясы рауажланыу тарийхы хам уйрениу методы

Ayaq súyekleriniń birlesiwi Shanaq súyekleriniń birlesiwi

Shanaqtıń payda bolıwında úsh súyek qatnasadı: eki qaptal hám aldınǵı tárepinen janbas súyekleri arqa tárepinen segizkóz hám quyımshaq súyegi. Bul súyekler bir-biri menen buwınlar payda etip qosıladı hám buwınlarǵa baylanısı bar yaki baylanısı bolmaǵan baylamlar járdeminde bekkemlenedi.
Segizkóz hám shanaq súyeklerindegi qulaq tárizli júzelerdiń bir-biri menen qosılıwınan segizkóz-janbas buwını payda boladı.
Aldınǵı tárepten eki shat súyekleri bir-biri menen qosılıp yarım (shala) buwın payda etedi. Shat simfizi dep atalatuǵın bul birlespe shat súyekleriniń buwın júzeleri ortasında payda boladı. Bul júzeler bir-birine tiyispegen bolıp ortadaǵı aralıqtı shemirshek plastinka toltırıp turadı.

Shanaq (shanaq-san) buwını

Shanaq san buwını shanaq súyegindegi quymısh kesası menen san súyeginiń bası birlesiwinen payda boladı.
Nárestelerde bul buwında tórt súyek qatnasadı dew múmkin sebebi olarda shanaq súyeginiń úsh bólegi (otırǵısh súyek,shat súyegi, jambas súyegi) quymısh shuqırında tutasıp turadı, biraq ele bir-biri menen pitispegen boladı.
Belgili bolǵanınday quymısh kesasınıń shuqırshası ádewir úlken bolıp, san súyeginiń dóńgelek (shartárizli) bası usı shuqırlıqta kómilip jatadı.
Shanaq san buwınınıń ózine tán qásiyeti sonnan ibarat, san súyegi basındaǵı baylam arqalı shanaq tárepten san súyeginiń basına arteriya ótedi hám onı azıqlandıradı. Basqa buwınlarda arteriya ótiwi ushın járdemshi bolıwshı baylam joq. Bul buwın, buwın kapsulasına hám bir neshe baylamlarǵa iye.

Dize buwını

Adam denesindegi barlıq buwınlardıń ishinde eń úlkeni hám dúzilisi jaǵınan quramalısı bolǵan dize buwını úsh súyektiń: yaǵnıy san súyegi, úlken baltır súyegi hám dize qaqpaǵı arasında payda boladı.

Baltır súyeginiń óz-ara birlesiwi

Uzın hám kishi baltır súyekleri óz-ara úsh jeri menen:proksimal hám distal ushları, sonday-aq deneleri menen birlesedi.
Kishi baltır súyeginiń joqarǵı ushındaǵı (basshası) buwın júzesi úlken baltır súyeginiń sırtqı dumpegi astındaǵı arnawlı buwın júzi menen jalpaq buwın payda etip birlesedi.
Súyeklerdiń tómengi ushları qosılıwınan háreketsiz buwın payda boladı.
Súyeklerdiń bir-birine qaraǵan táreplerindegi shetleri arasında fibroz talalardan dúzilgen perde boladı. Perdeniń talaları úlken baltır súyeginen kishi baltır súyegi tárepke kese baǵdarlanǵan bolıp, súyekler-ara aralıqtı pútinley toltıradı. Súyekler ara perde súyeklerdi málim bir tegislikte uslap turadı, bunnan basqa baltırdıń shuqır jaylasqan bulshıq etleri usı perdeden baslanadı.