Тема: Анатомия панинин классификациясы рауажланыу тарийхы хам уйрениу методы

Ayaq pánjesindegi súyeklerdiń baltır súyekleri menen hám óz-ara birlesiwi

Eki baltır súyegi (úlken hám kishi) niń tómengi ushındaǵı buwın júzeleri menen asıq súyeginiń hám eki qaptal tárepindegi júzeleri qosılıwınan asıq-baltır buwını payda boladı. Asıq-baltır buwını dúzilisi jaǵınan túte tárizli buwınlarǵa jatqanı ushın háreket tek bir oq átirapında payda boladı. Bul buwın buwın qaltasına hám aldı, qaptal tárepinde jaylasqan baylamlarǵa iye.

Ayaq pánjesinde tómendegi buwınlar bar:

1. 
   Asıq astındaǵı buwın, asıq súyeginiń tómengi tárepindegi arqa buwın júzesi menen taban súyeginiń ústingi arqa buwın júzesi qosılıwınan payda boladı.
   
2. 
   Asıq, taban, qayıq tárizli súyekler arasındaǵı buwın taban súyeginiń júzi asıq súyeginiń aldı tárepindegi astınǵı buwın júzesi hám bası sonday-aq qayıq tárizli súyektiń shuqır buwın júzesi qosılıwınan payda boladı.
   
3. 
   Taban- kubtárizli súyek buwını, taban súyeginiń aldınǵı tárepindegi júzesi menen kubtárizli súyektiń arqa tarepindegi buwın júzesi arasında payda boladı.
   
4. 
   Sına-qayıq- kubtárizli buwın. Sına tárizli súyeklerdiń arqa buwın júzeleri menen qayıq tárizli súyektiń aldınǵı buwın júzesi hám kubtárizli súyektiń ishki (medial) tárepindegi buwın júzesi birlesiwinen payda boladı.
   
5. 
   Pánje ústi hám pánje súyekleri arasındaǵı buwınlar.
   

Úsh sına tárizli hám kub tárizli súyeklerdiń ústingi (proksimal) ushlarındaǵı buwın júzeleriniń birlesiwinen payda boladı.

6. 
   Pánje súyekleri menen barmaq súyekleri arasındaǵı buwınlar.
   
7. 
   Barmaq súyekleri (falanglar) arasındaǵı buwınlar.
   

Qadaǵalaw ushın sorawlar

1. 
   Skelet súyekleriniń birlesiw túrleri.
   
2. 
   Bir oqlı, eki oqlı hám kóp oqlı buwınlar.
   
3. 
   Sinxondroz, sinostoz xám sindesmoz birlesiwlerge mısallar.
   
4. 
   Diartroz birlesiwlerdiń dúzilisi.
   
5. 
   Bas súyeginiń birlesiwleri hám jasqa qaray ózgeshelikleri.
   
6. 
   Omırtqalardıń birlesiwleri.
   
7. 
   Qol skeletiniń birlesiwleri.
   
8. 
   Ayaq skeletiniń birlesiwleri.
   
9. 
   Qabırǵalardıń birlesiwleri, kókirek kletkası.
   
10. 
    Buwınlardıń payda bolıwınıń tiykarǵı belgileri.