Тема: Анатомия панинин классификациясы рауажланыу тарийхы хам уйрениу методы

Shanaqtıń arqa tárepindegi bulshıq etler

1. 
   Janbastıń úlken bulshıq eti, janbas súyeginiń arqa tárepindegi janbas qırınan, quyrıq súyekleriniń sırtqı júzinen hám segiz kóz súyeginen baslanıp, san súyeginiń janbas gedir-budırlıǵına jabısadı. Tórt múyeshli kóriniske iye bolıp ádewir qalıń boladı. Bul bulshıq et adamnıń tik turıwın táminleydi. Qısqarǵanda shanaq san buwının jazadı. Ayaqlar qıymıldamay tursa, aldı tárepke iyilgen deneni arqaǵa tartıp deneni tuwrılaydı.
   
2. 
   Sannıń keń fastsiyasın tartıwshı bulshıq et, janbas súyeginiń aldı táreptegi joqarı qırına birigedi. Qısqarǵanda sannıń keń fastsiyasın tartadı.
   
3. 
   Janbastıń orta bulshıq eti, janbas súyeginiń sırtqı júzinen baslanıp, san súyeginiń úlken tompaǵına jabısadı. Janbastıń úlken bulshıq eti menen kishi bulshıq eti arasında jatadı. Qısqarǵanda bir ayaqtı ekinshi ayaqtan uzaqlastıradı. Ayaq qıymıldamay tursa shanaqtı qaptalǵa búgedi.
   
4. 
   Janbastıń kishi bulshıq eti, janbas súyeginiń sırtqı júzinen baslanıp, san súyegindegi úlken toqnaǵıshqa birigedi. Bul bulshıq et tuwrıdan – tuwrı janbas súyeginiń ústinde jatadı. Funktsiyası jaǵınan janbastıń orta bulshıq eti menen birdey.
   
5. 
   Almurt kórinisli bulshıq et, segiz kóz súyeginiń shanaq boslıǵına qaraǵan júzinen, janbas – segiz kóz buwınınıń kapsulasınan baslanıp san súyeginiń úlken toqnaǵıshınıń medial júzine jabısadı. Qısqarǵanda sandı sırtqa buradı, bir ayaqtı ekinshisinen uzaqlastıradı.
   
6. 
   Ishki jabıq turatuǵın bulshıq et, janbas súyeginiń ishki júzinen, japqısh tesik átirapınan baslanıp, san súyegindegi toqnaǵıshlar arasındaǵı oyıqshaǵa jabısadı. Qısqarǵanda sandı sırtqa buradı.
   
7. 
   Ústińgi egizek bulshıq et, otırǵısh súyeginiń qırınan baslanıp, san súyegindegi toqnaǵıshlar ara oyıqqa jabısadı. Ishki japqısh bulshıq etten joqarıda jatadı.
   
8.