Тема: Анатомия панинин классификациясы рауажланыу тарийхы хам уйрениу методы

Qoltıq arteriyası

Qoltıq arteriyası (a. axillaris) omıraw astı arteriyasınıń dawamı bolıp, tómendegi tarmaqlar baslanadı: 1-joqaridaǵi kókirek arteriyası, 2-kókirek kletkası hám akramion ósigi arteriyası, 3-kókirek kletkasınıń qaptal arteriyası, 4-gúrek astı arteriyası, 5-iyin súyegin orap turatuǵın aldınǵı arteriya.

Iyin arteriyası

Qoltıq arteriyası qoltıq astı boslıǵınan iyinge ótiwi menen iyin arteriyası dep ataladı. Iyin arteriyası (a. brachialis) shıǵanaq oyıqshasına kelip eki arteriyaǵa (shıǵanaq hám bilek arteriyası) na bólinedi. Iyin arteriyasınan tómendegi tarmaqlar ajıralıp shıǵadı; 1-bulshıq etlerge baratuǵın tarmaqlar, 2-iyinniń shuqır arteriyası. 3-shıǵanaq súyegi tárepindegi ústingi qaptal arteriya, 4-shıǵanaq súyegi tárepindegi tómengi qaptal arteriya.

Bilek arteriyası (a. radialis)

Iyin arteriyası shıǵanaq shuqırshasına kelip bilek hám shıǵanaq arteriyalarına bólinedi.
Bilek arteriyasınıń tarmaqları tómendegiler:

1. 
   Bulshıq etlerge baratuǵın mayda tarmaqlar
   
2. 
   Bilektiń joqarıǵa qaytıwshı arteriyası
   
3. 
   Alaqan tárepindegi shaqı
   
4. 
   Alaqannıń ústingi shaqı
   
5. 
   Alaqannıń arqa tárepindegi shaqı
   
6. 
   Alaqannıń birinshi arqa arteriyası
   
7. 
   Bas barmaqtıń birinshi arteriyası
   

Shıǵanaq arteriyası (a. ulnaris)

Iyin arteriyasınıń ekinshi tarmaǵı bolıp, bilek arteriyasına salıstırǵanda bir qansha juwan boladı. Shıǵanaq arteriyasınan tómendegi tarmaqlar baslanadı:

1. 
   Shıǵanaqtıń joqarı qaytıwshı arteriyası
   
2. 
   Súyekler aralıǵınıń ulıwma arteriyası
   

Bunnan basqa da bir qatar arteriyalar tarmaqlanadı.

Pánje arteriyası

Pánje arteriyaları shıǵanaq penen bilek arteriyalarınıń alaqan tusında tarqalǵan tarmaqlarınan payda boladı.

Tómenge túsiwshi aorta tarmaqları

Tómenge túsiwshi aorta IV-kókirek omırtqasınıń aldınan baslanıp, diafragmanıń aorta tesiginen ótip qarın boslıǵına túsedi hám IV-bel omırtqasınıń aldına kelip eki úlken tarmaqqa bólinedi.
Tómenge túsiwshi aorta kókirek aortası hám qarın aortası bolıp ekige bólinedi. Kókirek aortasınan kókirek boslıǵınıń diywalına (parietal) hám organlarına (vistseral) tarmaqlar shıǵadı.
Kókirek kletkasınıń diywalına barıwshı shaqshalar tómendegiler:

1. 
   Qabırǵalar aralıǵınıń arqa arteriyaları
   
2. 
   Diafragmanıń ústingi arteriyaları
   

Kókirek aortasınıń vistseral tarmaqları tómendegiler:

1. 
   Bronxlar boylap tarqalatuǵın arteriyalar
   
2. 
   Qızıl óńeshke baratuǵın tarmaqlar
   
3. 
   Kókirek aralıǵına (sredostenie) baratuǵın tarmaqlar
   
4. 
   Júrektiń qaltasına baratuǵın tarmaqlar